काठमाडौँ / चन्द्रागिरी हिल्स लिमिटेडले सर्वसाधरणका लागि साधारण शेयर (आइपिओ) बिक्री तथा निष्काशन गर्ने अनुमति पाएको छ ।
कम्पनीले गत जेठ २५ गते आइपिओ निष्काशनको लागि नेपाल धितोपत्र बोर्डमा दिएको निवेदन बोर्डले यही कार्तिक २८ गते स्वीकृति दिएको हो ।
बोर्डको स्वीकृति पाएसँगै कम्पनीले १८ लाख ४० हजार ९१० कित्ता आइपिओ निष्काशन गर्नेछ ।
कम्पनीले स्थानिय बासिन्दा र सर्वसाधारणको लागि जारी पूँजीको १२ प्रतिशत बराबरको आइपिओ निष्काशनको तयारी गरेको छ ।
उक्त आइपिओ बिक्री तथा निष्काशन प्रबन्धकको जिम्मेवारी ग्लोबल आइएमई क्यापिटल लिमिटेडले पाएको छ ।
