काठमाडौँ / नेपाल सुनचाँदी व्यवसायी महासंघले आज आइतबारको सुनचाँदीको मूल्य प्रकाशित गरेको छ । प्रकाशित मूल्यअनुसार आज सुनको भाउ तोलामा ३०० रुपैयाँ बढेको छ ।
अघिल्लो साता प्रतितोला ९४ हजार रुपैयाँमा कारोबार भएको छापावाल सुन आज आइतबार ९४ हजार ३०० रुपैयाँमा कारोबार हुनेछ ।
सोही परिमाणको तेजावी सुनलाई भने आज तोलामा ९३ हजार ८०० रुपैयाँ पर्नेछ ।
यता चाँदीको भाउ भने स्थिर रहेको छ । यसअघि प्रतितोला एक हजार २१० रुपैयाँमा कारोबार भएको चाँदी आज आइतबार पनि सोही मूल्यमा कारोबार हुने महासंघले जनाएको छ ।