काठमाडौँ / मंगलबार सुनको भाउमा गिरावट आएको छ । सोमबार स्थिर रहेको सुनको भाउ मंगलबार भने तोलामा एकैपटक एक हजार ८०० रुपैयाँ गिरावट आएको नेपाल सुनचाँदी व्यवसायी महासंघले जनाएको छ ।
महासंघका अनुसार यसअघि छापावाल सुन तोलामा ९४ हजार ३०० रुपैयाँ रहेको थियो भने सोही परिमाणको तेजावी सुन ९३ हजार ८०० रुपैयाँ रहेको थियो ।
आज बजारमा सुन प्रतितोला ९२ हजार ५०० रुपैयाँ र तेजावी सुन तोलामा ९२ हजार रुपैयाँमा कारोबार हुनेछ ।
यता, चाँदीको भाउ पनि तोलामा ३० रुपैयाँले घटेको छ ।
यसअघि तोलामा एक हजार २१० रुपैयाँमा कारोबार भएको चाँदी आज तोलामा एक हजार १८० रुपैयाँ पर्ने महासंघले जनाएको छ ।