काठमाडौँ / एनएमबि बैंक लिमिटेडको नयाँ १७३ औँ शाखा बुटवलको देवीनगरमा सञ्चालनमा आएको छ ।
कोभिड १९ को विश्वव्यापी महामारी र सम्बन्धित सवैको स्वास्थ्यलाई ध्यानमा राख्दै भौतिक दुरी र सुरक्षाका सम्भाव्य उपायहरु अवलम्बन गर्दै बैंकको प्रदेश कार्यालयका कर्मचारी र केन्द्रिय कार्यालयबाट व्यवस्थापन समितिका सदस्यहरुको भर्चुअल उपस्थितिमा उक्त शाखाको शुभारम्भ गरिएको बैंकले जनाएको छ ।
यससँगै बैंकको अब लुम्बिनी प्रदेशमा जम्मा २८ शाखाहरू पुगेका छन् । साथै बैकले आफ्ना नवीनतम सेवा सुविधाहरू लिएर ग्राहकहरूसम्म पुग्ने क्रम जारी रहेको बताएको छ ।
एनएमबि बैंकले १७३ शाखाहरु, ८ विस्तारित काउन्टरहरु र १३५ एटीएमहरुको मजबुत सञ्जालका साथै १०,४१६ क्यूआर र ४३४ भन्दा बढी पोस मेसिन मार्फत उच्चस्तरीय बैंकिङ्ग सेवा प्रदान गर्दै आएको छ ।