काठमाडौँ / सोमबार पनि सुनको भाउ बृद्धि भएको छ । नेपाल सुनचाँदी व्यवसायी महासंघका अनुसार सोमबार सुन तोलामा ५०० रुपैयाँले बढेको हो ।
आइतबार ९७ हजार ७०० रुपैयाँ रहेको सुनको भाउ सोमबार ९८ हजार २०० रुपैयाँ पुगेको महासंघले जनाएको छ । सोही परिमाणको तेजावी सुन तोलामा ९७ हजार ७०० रुपैयाँमा कारोबार हुनेछ ।
यता, चाँदीको भाउ पनि निरन्तर उकालो लागेको छ । महासंघका अनुसार यसअघि एक हजार २७५ रुपैयाँमा कारोबार भएको चाँदी आज तोलामा एक हजार २८५ रुपैयाँमा कारोबार हुनेछ ।