काठमाडौँ / युनाइटेड इदी–मर्दी एण्ड आरवि हाईड्रोपावर लिमिटेडको आइपिओ आज आइतवार बाँडफाँट हुँदैछ ।
मागभन्दा करिब १२ गुणा बढी आवेदन परेको उक्त कम्पनीको आइपिओ आज अपरान्ह ४ बजे बाँडफाँटको तयारी रहेको विक्री प्रबन्धक ग्लोबल आइएमई क्यापिटलले जनाएको छ ।
कम्पनीले आयोजना प्रभावित स्थानीयका लागि पहिलो चरणमा आईपीओ विक्री गरि दोस्रो चरणमा सर्वसाधारणका लागि विक्री गर्न लागेको हो ।
कम्पनीले स्थानीयका लागि कुल ४ लाख २० हजार कित्ता आईपीओ असोज ७ गतेदेखि कात्तिक ६ गतेसम्म विक्री खुला गरेको थियो । स्थानीयमा करीब ४२ प्रतिशत मात्र शेयर वितरण भएको छ ।
कात्तिक १७ गते कम्पनीले स्थानीयलाई कुल कित्तामध्ये १ लाख ७६ हजार ९० कित्ता शेयर बाँडफाँट गरेको हो ।
स्थानीयमा वितरण हुन नसकेको २ लाख ४३ हजार ९१० कित्ता शेयरसमेत जोडेर सर्वसाधारणका लागि ८ लाख ७३ हजार ९१० कित्ता शेयर वितरण हुनेछ । कुल कित्तामध्ये कम्पनीले ८ लाख १२ हजार ७३६ कित्ता शेयर सार्वजनिक निष्कासन गर्नेछ ।
कम्पनीले ४३ हजार ६९६ कित्ता सामुहिक लगानी कोषका लागि बाँडफाँट गरेको छ भने कम्पनीका कर्मचारीका लागि १७ हजार ४७८ कित्ता छुट्याएको छ । कम्पनीको आईपीओ विक्री प्रबन्धकमा ग्लोबल आईएमई क्यापिटल लिमिटेड रहेको छ ।
केयर रेटिङ्ग नेपालले कम्पनीको आईपीओलाई केयर एनपी डबल बी प्लस रेटिङ प्रदान गरेको छ । यसले मध्यम रुपमा वित्तीय दायित्व पुरा गर्न सक्ने क्षमता रहेको संकेत गर्दछ ।
कम्पनीले कुल १० लाख ५० हजार कित्ता आईपीओ विक्री गर्न नेपाल धितोपत्र बोर्डबाट गत फागुन ११ गतेनै स्वीकृति पाएको थियो ।
गत आर्थिक वर्ष २०७६र७७ सम्म कम्पनीको प्रतिशेयर नेटवर्थ रु। ८५।८२ रहेको छ । दोस्रो बजारमा प्रतिशेयर नेटवर्थको तीन गुणासम्म यस कम्पनीको मूल्य तोकिनेछ ।
