काठमाडौँ / प्राइम लाइफ इन्स्योरेन्सले गत आर्थिक वर्ष २०७६÷०७७ को मुनाफाबाट १५ प्रतिशत लाभांश वितरण गर्ने भएको छ ।
कम्पनीको यही मंसिर १२ गते शुक्रबार बसेको सञ्चालक समितिको बैठकले लाभांश वितरण गर्ने निर्णय गरेको हो ।
कम्पनीले हाल कायम चुक्तापूँजीको ७ प्रतिशत बोनस शेयर र कर प्रयोजनका लागि ८ प्रतिशत नगद लाभांशसमेत गरी जम्मा १५ प्रतिशत लाभांश वितरण गर्ने प्रस्ताव गरेको कम्पनीले जनाएको छ ।
उक्त लाभांश शेयरधनीले बीमा समितिको स्वीकृति तथा आगामी वार्षिक साधारण सभाबाट पारित भएपश्चात शेयरधनीहरुले पाउनेछन् ।
