काठमाडौं/ बैंक अफ काठमाण्डू लिमिटेडको आफ्नो विशेष साधारण सभा आज ३ गते मंगलबार सम्पन्न भएको छ । समारोह बैंकका सञ्चालक समितिका अध्यक्ष प्रकाश श्रेष्ठको अध्यक्षतामा भएको हो ।
उक्त विशेष साधारण सभाले सर्वसाधारण शेयरधनीहरुकोतर्फबाट सञ्चालक समितिमा प्रतिनिधित्व गर्ने ३ जना सञ्चालकहरु गोबिन्द प्रसाद शर्मा, मदन लाल जोशी र अमृता उप्रेती सञ्चालक पदमा निर्बिरोध निर्वाचित भएका छन् ।
बैंकले हाल ९० शाखा कार्यालयहरु, ७८ एटिएम र १० एक्स्टेन्सन काउन्टरमार्फत आफ्ना ग्राहकहरुलाई बैंकिङ्ग सेवा तथा सुविधा प्रदान गरिरहेको छ ।