मन्त्रालयहरुलाई  अर्थमन्त्री पौडेलको निर्देशन– कार्यान्वयन गर्न सक्ने कार्याक्रमहरु मात्र प्रस्ताव गर्नु

मन्त्रालयहरुलाई  अर्थमन्त्री पौडेलको निर्देशन– कार्यान्वयन गर्न सक्ने कार्याक्रमहरु मात्र प्रस्ताव गर्नु

अर्थ डबली
बिहिवार, चैत्र १९ २०७७
अर्थ डबली
बिहिवार, चैत्र १९ २०७७ (अर्काइभ बाट)
  • मन्त्रालयहरुलाई  अर्थमन्त्री पौडेलको निर्देशन– कार्यान्वयन गर्न सक्ने कार्याक्रमहरु मात्र प्रस्ताव गर्नु

    काठमाडौं / अर्थमन्त्री विष्णुप्रसाद पौडेलले आगामी वर्षको बजेटका लागि कार्यान्वयन गर्न सक्ने कार्यक्रमहरु मात्र प्रस्ताव गर्न मन्त्रालयहरुलाई आग्रह गरेका छन् । 

    images
    images

    संस्कृति पर्यटन तथा नागरिक उड्डयन मन्त्रालयसँगको छलफलमा अर्थमन्त्री पौडेलले कार्यान्वयन गर्न सक्ने कार्यक्रमहरु र सोही अनुसार बजेट प्रस्ताव गर्न अनुरोध  गरेका हुन् । 

    खर्च हुन नसक्ने भएकाले सरेन्डर गर्नु पर्ने अवस्था पनि रहेको उल्लेख गर्दै अर्थमन्त्री पौडेलले बहुवर्षिय योजनाहरुमा पनि जति खर्च गर्ने हो, त्यही अनुसार बजेट राख्न आग्रह गरेका हुन् । 

    सिलिङभित्र रहेर बजेट निर्माण गर्नु पर्ने सीमा रहेको बताउँदै उनले बजेट कार्यान्वयन गर्न सक्ने संयन्त्रलाई पनि ध्यान दिन जरुरी रहेको बताए । 

    प्राथमिकताका आधारमा कार्यक्रमहरु प्रस्ताव गर्न आग्रह गर्दै अर्थमन्त्री पौडेलले अन्तरमन्त्रालयबीच समन्वयको आवश्यकता औल्याए । 

    उनले कोभिड–१९ ले  पर्यटन क्षेत्रमा पारेको प्रभावलाई बजेट र नीतिमार्फत सम्बोधन गर्ने उल्लेख गरे । 

    संस्कृति पर्यटन तथा नागरिक उड्डयन मन्त्री भानुभक्त ढकालले कोभिड–१९ बाट पर्यटन क्षेत्र नराम्रोसँग प्रभावित भएकाले त्यसलाई विशेष ध्यान दिन आग्रह गरे । 

    आर्थिक सल्लाहकार डा. प्रकाशकुमार श्रेष्ठले साना कार्यक्रमहरु भन्दा संघीयताको मर्म र भावना अनुसार ठूला र विशेष कार्यक्रममा जोड दिनु पर्ने बताए । 

    अर्थ मन्त्रालयले आर्थिक वर्ष २०७८/ ७९ को बजेटमा समावेश गर्नु पर्ने कार्यक्रम तथा बजेटबारे मन्त्रालयहरु र सरोकारवालासँग छलफल गर्नुका साथै सुझाव पनि संकलन गरेको छ। 
     

    साताको लोकप्रीय