काठमाडौं/ नेपाली कांग्रेस नेता धनराज गुरुङले प्रधानमन्त्री केपी शर्मा ओलीलाई आज जसोतसो विदा त गरिए पनि फेरि शितल निवासबाट टिका लगाएर आउन सक्नेतर्फ संकेत गरेका छन् ।
उनले मुलुकको रााजनीतिक जटिलतालाई देखाउँदै यो उभयलिङ्गी राजनैतिक चरित्रको अन्त्य जरुरी हुनु जरुरी रहेको छ तर्क राखेको छन् । आजै १ बजे प्रतिनिधि सभामा प्रधानमन्त्री केपी ओलीले विस्वासको मत लिदै छन् ।
नेकपा एमाले ओली समुह र नेपाल समुहकै किचलोका कारण मुलुक अब कुन दिशातिर जान्छ अझै एकिन भइसकेको छैन यद्यपि यो समाचार तयार पार्दासम्म एमाले नेता माधव नेपालसँग अर्थमन्त्री समेत रहेका विष्णु पौडेलले अन्तिम छलफल गर्दैछन् ।
मुलुकको राजनीतिक मनोदशालाई नियाल्दै आफ्नो ट्वटिमा नेता गुरुङले भनेका छन्, ‘जसपा पार्टी र अन्य केही नेताहरुको मनोदशालाई नियाल्दा ७ दिनपछि उनै ओली फेरि सितल निवासबाट टिका लगाएर नआउला भन्न सकिंदैन।
त्यसैले, मुलुकको राजनीतिलाई थप अन्यौल र जटिलताबाट रोक्नलाई उभयलिङ्गी राजनैतिक चरित्रको अन्त्य जरुरी छ, उनले भने ।