काठमाडौं / माछापुुच्छ्रे बैंक लिमिटेडले ३० लाख कित्ता डिबेञ्चर निष्काशन गर्न स्वीकृति पाएको छ ।
नविल इन्भेष्टमेन्ट बैंकिङ लिमिटेडको निष्काशन तथा बिक्री प्रबन्धकत्वमा उक्त डिबेञ्चर निष्काशनका लागि नेपाल धितोपत्र बोर्ड (सेवन) ले स्वीकृति प्रदान गरेको हो ।
बैंकले जारी गर्ने ३० लाख कित्ता डिबेञ्चरमध्ये १२ लाख कित्ता डिबेञ्चर सार्वजनिक निष्काशन गर्न तथा १८ लाख कित्ता डिबेञ्चर व्यक्तिगत तवरबाट बिक्री गर्ने भएको छ।
१० बर्षे अवधिको ८.५० प्रतिशत ब्याजदरमा प्रति ऋणपत्र एक हजार रुपैयाँ दरको डिबेञ्चर निष्काशनका लागि सेवनले स्वीकृति प्रदान गरेको जानकारी दिएको छ ।