काठमाठौँ / बैंक अफ काठमाण्डूको २६ औं वार्षिक साधारण सभा आगामी मंसिर १५ गते हुने भएको छ ।
कम्पनीको प्रधान कार्यालय कमलपोखरी, काठमाडौंमा भिडियो कन्फ्रेन्स मार्फत आयोजना गर्ने भनिएको साधारणसभा तथा लाभांश वितरण प्रयोजनका लागि यहि कार्तिक २८ गतेदेखि १५ गतेसम्म बुक क्लोज गर्ने भएको छ ।
यस आधारमा कात्तिक २७ गतेसम्म कायम शेयरधनीहरु मात्र लाभांश प्राप्त गर्न र सभामा भाग लिन पाउनेछन् ।
कम्पनीको असोज १४ गतेको सञ्चालक समितिको बैठकले गत आर्थिक वर्ष २०७६/७७ को सञ्चित मुनाफाबाट १३ प्रतिशत बोनस शेयर र बोनसमा लाग्ने कर समेत ३ प्रतिशत नगद लाभांश गरी कूल १६ प्रतिशत लाभांश दिने निर्णय गरेको छ ।