काठमाडौँ / नेपाल सरकारको तर्फबाट नेपाल राष्ट्र बैंकद्वारा निष्काशन भएको तीनओटा विकास ऋणपत्र नेप्सेमा सूचिकृत भएको छ ।
उक्त ऋणपत्र धितोपत्र सूचीकरण विनियमावली, २०७५ को विनियम ८ अनुसार यही मंसिर ५ गतेको निर्णय अनुसार सूचीकण भएको नेप्सेले जनाएको हो ।
नेप्सेको अनुसार राष्ट्र बैंकले गत असोज १२ गते निष्काशन गरेको २०८६ “घ”, असोज २१ गते निष्काशन गरेको २०८४ “घ” र गत कार्तिक २० गते निष्काशन गरेको २०८७ “घ” विकास ऋणपत्र नेप्सेमा सूचिकृत भएको हो ।
२०८६ “घ” विकास ऋणपत्र २० अर्ब रुपैयाँको रहेको छ भने ब्याजदर ४.७७ प्रतिशत रहेको छ । त्यस्तै, २०८४ “घ” विकास ऋणपत्रको ब्याजदर ४.१४ प्रतिशतको रहेको छ भने १० अर्ब रुपैयाँको रहेको छ । यसैगरी २०८७ “घ” विकास ऋणपत्र २० अर्बको रहेको छ भने ब्याजदर ४.१४ प्रतिशत तोकिएको छ ।