काठमाडौं / नेपाली कांग्रेसका नेता धनराज गुरुङले कानुन भन्दामाथि सरकार नहुने बताउँदै पूर्व प्रधानमन्त्री झलनाथ खनालको उपचारका लागि मन्त्रीपरिषदले गरेको निर्णय सच्याउन आग्रह गरेका छन् ।
जनस्वास्थ्य ऐन २०७५ प्रतिकूल हुनेगरी पुर्ब प्र.म. झलनाथ खनालको सम्पुर्ण स्वास्थ्य उपचार खर्च सरकारले व्यहोर्ने मन्त्रीपरिषदको निर्णय सच्याउन नेता गुरुङले ट्वीटमार्फत आफ्नो टिप्पणी राखेका हुन् । सत्तारुढ दलकै नेता गुरुङले सक्षम व्यक्तिले राज्यकोषको रुपैयाँ दुरुपयोग गर्न नहुने बताउँदै आएका छन् ।
त्यो कनुन विपरित समेत हुने भएकोले बरु पूर्व खनाल असहाय नै छन् भने ‘झलनाथ खनाल उपचार कोष बनाएर चन्दा माग्दा कानुन सम्मत हुने उल्लेख गरेका छन् ।
त्यस्तै, अर्को एक ट्वीटमा उनले मलेसियाबाट नेपालीहरुको लास आइरहेको समाचार छ । देशभित्रै रोजगारी दिने भाषण दिएर नथाक्ने नेतृत्वसँग रोजगारी सिर्जना गर्ने दृष्टिकोण नभएको बताएका छन् ।
उत्पादन क्षेत्र पहिचान बिनाको लगानीबाट रोजगारी सिर्जना हुँदैन। यही कमजोरीका कारण रोजगारीका लागि विदेशिएका युवाहरु लास बनेर फर्किएको दावी उनको छ ।