काठमाडौँ / एनएलजी इन्स्योरेन्स कम्पनी लिमिटेडले १५औं साधारण सभा साउन २१ गते बिहीबार कम्पनीको रजिष्टर्ड कार्यालय, पानीपोखरी, काठमाडौँमा बस्ने भएको छ । 

कम्पनीको असार २७ गते बसेको सञ्चालक समितिको ३२९ औं बैठकले सो निर्णय गरेको छ । सभाले सामान्य प्रस्तावहरूमा सञ्चालक समतिको तर्फबाट अध्यक्षद्वारा प्रस्तुत हुने आ.व. २०७६/०७७ को वार्षिक प्रतिवेदन उपभर छलफल गरी स्वीकृत गर्नेछ भने लेखा परीक्षकको प्रतिवेदन सहितको लेखापरीक्षण गरिएको २०७७ असार मसान्तको वासलात, २०७६ साउन १ गतेदेखि २०७७ असार ३१ सम्मको नाफा नोक्सान हिसाब र नगद प्रवाह विवरण तथा सो सँग सम्बन्धित अनुसूचिहरु छलफल गरी स्वीकृत गर्नेछ । 

सभाले कम्पनी ऐन २०६३ को दफा १११ अनुसार आ.व २०७७÷०७८ को लेखापरीक्षक नियुक्त गर्ने र निजको पारिश्रमिक निर्धारण गर्ने र सञ्चालक समितिले प्रस्ताव गरेबमोजिम आ.व. २०७६÷०७७ सम्म मुनाफाबाट ५७ लाख ७० हजार ३९७ अर्थात ०.५२६३ प्रतिशत नगद लाभांश (करसहित)स्वीकृत गर्ने कम्पनीले जनाएको छ । 

कम्पनीको विशेष प्रस्तावमा सञ्चालक समितिले प्रस्ताव गरे बमोजिम आ.व. २०७६÷०७७ को सञ्चित मुनाफाबाट चुक्तापूँजी १ अर्ब ९ करोड ६३ लाख ७५ हजार ५ सय रुपैयाँको १० प्रतिशतका दरले १० करोड ९६ लाख ३६ हजार ५५० बानेस शेयर वितरण गर्ने प्रस्ताव रहेको छ । 

 बोनस शेयर जारी पश्चात कम्पनीको जारी तथा चुक्ता पूँजी १ अर्ब २० करोड ६० लाख १३ हजार ५० रुपैयाँ पुग्नेछ ।