काठमाडौँ / नेपाल स्टक एक्सचेञ्ज (नेप्से)ले आइतबार युनियन लाइफ इन्स्योरेन्स कम्पनीको आइपिओ सूचिकृत गरेको छ ।
नेप्सले कम्पनीको रु. १०० अंकित दरको २ करोड १५ लाख कित्ता आइपिओ सूचीकृत गरेको हो । सूचीकृत भएको दोस्रो दिनदेखि नै दोस्रो बजारमा युनियन लाइफको शेयर कारोबार खुल्नेछ ।
दोस्रो बजारमा कारोबारलागि कम्पनीले यूएलआई स्टककोड प्राप्त गरेको छ भने नेप्सेले पहिलो कारोबारका लागि ११५.१३ देखि ३४५.३९ ओपन रेञ्ज तोकेको छ ।
कम्पनीले सर्वसाधारण समक्ष प्रभु क्यापिटल लिमिटेडमार्फत ६४ लाख ५० हजार कित्ता साधारण शेयर सर्वासार्धरणका लागि खुला बिक्री आह्वान गरेको थियो । कम्पनीक संस्थापकहरूले लगानी गरेको १ करोड ५० लाख ५० हजार कित्ता समेत गरी जम्म २ करोड १५ लाख कित्ता साधारण शेयर वितरण भई सूचीकृत गरेको नेप्सेले जनाएको छ ।
