काठमाडौँ / मकर जितुमाया सुरी हाइड्रोपावर लिमिटेडले आइपिओ निष्काशन तथा बिक्रीका लागि प्रभु क्यापिटल लिमिटेडलाई प्रबन्धकमा नियुक्त गरेको छ ।
मकर जितुमाया सुरी हाइड्रोपावर लिमिटेडको आइपिओ निष्काशन तथा बिक्रीका लागि दुई कम्पनीबीच सम्झौता भएको हो । मकर जितुमाया सुरी हाइड्रोपावरका कार्यकारी अध्यक्ष हिमाल गुरुङ्ग र प्रभु क्यापिटलका प्रबन्ध निर्देशक दिनेश थकालीले संयुक्त रूपमा हस्ताक्षर गरे ।
कम्पनीले प्रारम्भिक सेयर निष्काशनका लागि कुल जारी पुँजी ७६ लाखको ३० प्रतिशत अर्थात २२ लाख ८० हजार कित्ता प्रारम्भिक सेयर निष्काशन गर्ने गर्ने जनाएको छ ।
जसमध्ये आयोजना प्रभावित स्थानीयका लागि ७ लाख ६० हजार कित्ता र सर्वसाधारणका लागि १५ करोड २० लाख कित्ता सेयर निष्काशन गर्नेछ । कम्पनीले निर्माण गरिरहेको आयोजनामा डोल्मा इम्प्याक्ट फण्डको समेत लगानी रहेको बताइन्छ ।