काठमाडौं / नेपाल विद्युत प्राधिकरणको कार्यकारी निर्देशकमा कुलमान घिसिङ नियुक्त भएका छन् । ऊर्जा मन्त्रालयको प्रस्तावमा मन्त्रिपरिषद्ले घिसिङलाई विद्युत् प्राधिकरणको कार्यकारी निर्देशकमा नियुक्त गरेको हो ।
वर्तमान कार्यकारी निर्देशक हितेन्द्र देव शाक्यलाई जल तथा ऊर्जा आयोगमा सरुवा गरिएको ऊर्जा मन्त्रालयले जनाएको छ ।
घिसिङले यस अघि आफ्नो कार्यकालमा प्राधिकरणमा उत्कृष्ट व्यवस्थापन गरेका कारण जनताको वाही वाही पाएका थिए । उनको नियुक्तिले प्राधिकरणले नयाँ उचाई लिने जानकारहरु बताउँछन् ।
यता प्राधिकरणका प्रमुख शाक्यले लामो समयदेखि विद्युत प्राधिकरणमा आफूले समय विताएको कारण अन्याय नहुने गरी जिम्मेवारी दिए खुशी हुने बताएका थिए ।
ऊर्जा आयोगमा उनलाई खाईपाइ आएको सुविधा नघटने गरी सरुवा गरिएको बुझिएको छ ।
