काठमाडौँ / मुक्तिनाथ विकास बैंक लिमिटेडको गत आर्थिक बर्ष २०७७/०७८को चौथौ त्रैमासको वित्तीय विवरण प्रकाशित भएको छ ।
उक्त वित्तीय विवरणअनुसार बैंकले कोरोना भाइरसको महामारीकाबीच अधिकांश सूचकमा उत्साहजनक सुधार गरेको देखिएको हो ।
अघिल्लो आर्थिक बर्ष २०७६/०७७ को असार मसान्तमा ७० करोड ७४ लाख ५ हजार रुपैयाँ खुद नाफा कमाएको बैंकले गत आर्थिकको सोही अवधिमा भने ६२.७० प्रतिशतले बृद्धि गरी १ अर्ब १५ करोड ९ लाख ७९ हजार रुपैयाँ पुर्याउन सफल भएको छ ।
यसैगरी बैंकले वितरणयोग्य मुनाफा रकममा पनि ८१.७९ प्रतिशतले बृद्धि गरेको छ । अघिल्लो आ.व.को चौथौ त्रैमासमा ४७ करोड ३३ लाख ६३ हजार रुपैयाँ वितरणयोग्य मुनाफा रहेकोमा समीक्षा अवधिमा सो रकम ८६ करोड ५ लाख ३२ हजार रुपैयाँ पुर्याएको हो ।
चुक्ता पुँजी रकम ११.२५ प्रतिशतले बृद्धि गरेको यस बैंकले निक्षेप सङ्कलन ५१.६३ प्रतिशत र कर्जा लगानी ५२.९५ प्रतिशतले बृद्धि गरेको छ । यसैगरी बैंकको सञ्चित कोष रकम ४१.३६ प्रतिशतले बृद्धि हुँदा जगेडा रकम ३८.३९ प्रतिशत, खुद ब्याज आम्दानी १९.७० प्रतिशत, सञ्चालन मुनाफा ६१.५८ प्रतिशतले बढेको छ ।
अघिल्लो आ.व.को असार मसान्तमा नेटवर्थ प्रतिशेयर १३३ रुपैयाँ ८९ पैसा रहेकोमा ७.६ प्रतिशतले बृद्धि गरी १४१ रुपैयाँ ४९ पैसा पुर्याएको छ । यसैगरी पुँजीकोष अनुपात २.०७ प्रतिशतले घटेको छ भने खराब कर्जा ०.२१ प्रतिशतले घटेको छ । हाल बैंकको प्रतिशेयर आम्दानी २३ रुपैयाँ ९२ पैसा रहेको छ भने आधार ब्याजदर ८.०५ प्रतिशत, स्प्रेड रेट ४.४८ प्रतिशत र मूल्य आम्दानी अनुपात २७.४७ गुणा रहेको छ ।
