काठमाडौँ / नेपालमा पछिल्लो २४ घण्टामा थप ३ हजार ४२ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार यस अवधिमा कुल १७ हजार ६५४ जनाको कोरोना परीक्षण गर्दा सो संख्यालाई पोजेटिभ देखिएको हो । 

गत २४ घण्टामा १० हजार ५३० जनाको पिसिआर परीक्षण गर्दा २ हजार ७९ जनाको पोजेटिभ र ७ हजार १२४ जनाको एन्टेजिन विधिबाट परीक्षण गर्दा ९६३ जनामा संक्रमण पुष्टि भएको मन्त्रालयले जनाएको छ । 

यसैगरी हालसम्म कुल १० हजार ४५५ जना संक्रमितले ज्यान गुमाएका छन् भने ६ लाख ९३ हजार ५४३ संक्रमित निको भएका छन् । 
२४ घण्टाको अवधिमा थप २६ जना संक्रमितको मृत्यु भएको मन्त्रालयको तथ्याङ्क छ भने सोही अवधिमा २ हजार २४४ जना निको भएका छन् । 
हाल देशभर सक्रिय संक्रमितको संख्या ४० हजार ३०९ रहेको छ भने कोरोना निको हुने दर घटेर ९३.१ प्रतिशतमा झरेको छ । 
२४ घण्टामा काठमडौँमा ६०४ जना, कास्कीमा २२९ जना, ललितपुरमा १८७ जना, भक्तपुरमा १०७ जना र मोरङमा १५० जना संक्रमित थपिएका छन् । 

मन्त्रालयको जानकारी अनुसार गत २४ घण्टाभित्रमा १ लाख ८० हजार २८ जनालाई कोरोना भाइरस विरुद्धको खोप लगाइएको छ भने हालसम्म ३७ लाख ९९ हजार १७८ जनाले पूर्ण र ४९ लाख ७५ हजार २३ संक्रमिले पहिलो डोज खोप प्राप्त गरेका छन् । 
विस्तृतमा हेर्नुस्