काठमाडौँ / गोर्खाज फाइनान्सको स्थगन भएको साधारण सभा यही भदौ २४ गते बिहीबार बस्ने भएको छ । कम्पनीको भदौ ९ गते बसेको बैठकले कोभिड – १९ रोगको महामारीको संक्रमण नियन्त्रण गर्न सरकारद्वारा जारी निषेधाज्ञाका कारण स्थगित साधारण सभाको मिति पुनः तय गरेको हो । यसअघि कम्पनीको गत चैत २६ गते बसेको बैठकले बैशाख २१ गते मंगलबार साधारणसभा बोलाउने निर्णय गरेको थियो ।
कम्पनीको हालसम्मको चुक्तापूँजी ८६ करोड ७९ लाख रुपैयाँ रहेको छ भने नगद तथा बोनस लाभांश प्रस्ताव गरेको छैन भने हकप्रद शेयर समेत प्रस्ताव नगरिएको जानकारी दिएको छ ।
भौतिक उपस्थिति तथा भर्चुअल माध्यमबाट सभामा सहमागी हुन सकिनेछ । सभा बिहान ११ बजे होटल क्राउन इम्पेरियल, सोल्टीमोडमा बस्नेछ ।