काठमाडौं/ नेपाल राष्ट्र वैंकबाट २०७८ /४ / २९ मा सार्वजनिक भएको आ.ब. २०७८ / ७९ को मौद्रीक नीतिका सन्दर्भमा नेपाल चेम्वर अफ कमर्सले आफ्नो धारणा राखेको छ ।
नेपाल राष्ट्र बैंकलाई उक्त विषय बमोजिम सुझाव समेत दिएको छ । बैंक तथा बित्तीय संस्थाको सिसिडी रोसियो खारेज गर्न सुझाव दिदै नयाँ व्यवस्था गर्न भनेको छ । आज एक विज्ञप्ति जारी गर्दै उक्त व्यवस्थाले बजारमा तरलतामा चाप पर्ने विषयमा सजक गराईएको छ ।
यसर्थ वैंकहरुले थप लगानी गर्न नसक्ने हुँदा बैँक तथा वित्तिय संस्थाको कर्जा प्रवाह क्षमता प्रभावित हुनेतर्पm नेपाल चेम्बर अफ कमर्शले राष्ट्र बैंकलाई ध्यानाकर्षण गराएको छ ।
१. सिसिडि रेसियो सम्वन्धमा ।
बैंक तथा बित्तीय संस्थाको सिसिडि रेसियो खारेज गरी नया व्यवस्था अनुसार अधिकतम सिसिडि रेसियो ९० प्रतिशत कायम गरिएको छ । उक्त व्यवस्थाले बजारमा तरलतामा चाप पर्न गइ वैंकहरुले थप लगानी गर्न नसक्ने हुंदा बैँक तथा वित्तिय संस्थाको कर्जा प्रवाह क्षमता प्रभावित हुने देखिन्छ ।
यसका कारण ब्याज दर समेत वढन जाने भएकोले पुरानै व्यवस्था अनुरुप सिसिडि रेसियो न्युनतम ८५ प्रतिशत कायम हुनु पर्ने ।
२.पुनर्तालिकीकरण सम्वन्धमा ।
कोभिड-१९को कारण प्रत्यक्ष तथा अप्रत्यक्ष रुपमा प्रभाबित भएका उद्योग तथा व्यवसायहरुको लागि प्रदान भएको पुनर्तालिकीकरणको ब्यवस्थालाइ नेपाल राष्ट्र वैंकबाट नियमन गरिनु पर्दछ ।
