काठमाडौं / स्वास्थ्य तथा जनसंख्या मन्त्रालयका अनुसार आज सोमबार १६ हजार पाँच सय ३९ जनामा परीक्षण गर्दा एक हजार चार सय ८६ जनामा संक्रमण पुष्टि भएको जनाएको छ ।
साथै काठमाडौं उपत्यकामा चार सय २६ जना कोरोना संक्रमित थपिए । यस्तै, काठमाडौंमा मात्रै तीन सय एक, ललितपुरमा ६८ र भक्तपुरमा ५७ जनामा संक्रमण पुष्टि भएको जनाएको छ ।
सोमबारसम्म २६ हजार छ सय ३० जना सक्रिय संक्रमित छन्। पछिल्लो समयसम्म नेपालमा थप एक हजार चार सय ८६ जनामा कोरोना भाइरसको संक्रमण पुष्टि भएको
मन्त्रालयले जनाएको छ । कोरोना भाईरस नियन्त्रणमा नआईसकेको हुँदा सावधानी अपनाउन मन्त्रालयले आग्रहसमेत गरेको छ ।
त्यस्तै, पछिल्लो २४ घण्टामा यसको संक्रमणबाट १६ जनाको मृत्यु भएको छ। योसँगै नेपालमा मृत्यु हुने संख्या १० हजार ९ सय ६५ पुगेको मन्त्रालयले जनाएको छ । यस्तै, एक हजार दुई सय ६० जना निको भए ।
१२ हजार पाँच सय ३२ जनाको पिसिआर परीक्षण गरिएको थियो भने चार हजार सात जनाको एन्टिजेन परीक्षण गरिएको मन्त्रालयले जनाएको छ।
