काठमाडौं / सांग्रिला डेभलपमेन्ट बैंक लिमिडेटले नारी दिवसको अवसरमा आफ्नो नारी बचत खाताको सुरुवात गरेको छ ।
बैंकले आफ्नो ग्राहकहरुको हितलाई मध्यनजर गर्दै नारी बचत खाताको शुरुवात गरेको जनाएको छ । विशेष गरी १८ वर्ष उमेर नाघेका महिलाहरुको हितलाई ध्यानमा राखी उच्चतम व्याजदरका साथै बचत गर्न प्रोत्साहित गरेको दावी छ ।
यस खाता खोल्ने ग्राहकहरुलाई वार्षिक ५ प्रतिशतका दरले मासिक रुपमा व्याज भुक्तानी तथा लकर शुल्कमा पहिलो वर्षको लागि निशुल्क गरिएको छ ।
यस सेवा अन्तर्गत ग्राहकहरुले बैंकको हाल संचालनमा रहेका ९५ वटै शाखाहरुबाट यस किसीमको वचत गर्न सकिने बैंकको प्रेस विज्ञप्तिमार्फत जनाएको छ ।