Logo
शुक्रवार, कार्तिक ५ गते २०७८
images
कार्तिक ५ गते २०७८
images
images

स्पेनिल ला लिगा : सेल्टा भिगोलाई उसैको मैदानमा हराउदै काडिजको पहिलो जित


२०७८ आश्विन, २ शनिवार
  • 224
    SHARES

  • स्पेनिल ला लिगा : सेल्टा भिगोलाई उसैको मैदानमा हराउदै काडिजको पहिलो जित

    स्पेनिल ला लिगामा काडिजले पहिलो जित निकालेको छ । शुक्रबार राति भएको खेलमा काडिजले सेल्टा भिगोलाई उसैको मैदानमा २–१ गोलले हरायो ।

    images

    काडिजलाई पाँचौं राउन्डमा आएर पहिलो जित दिलाउन एन्थोनी लोजानो र अल्फोन्सो स्पिनोले गोल गरे । सेटा भिगोका सान्ति मिनाले सान्त्वना गोल फर्काए ।

    पहिलो हाफमै दुई गोल गरेको काडिजलाई ३८औं मिनेटमा एन्थोनीले हेड गोल गर्दै अग्रता दिलाए । उनले टोमस अर्लाकनको फ्रिकिक पासमा गोल गरेका थिए । ४३औं मिनेटमा अलफोन्सो स्पिनोले रिवाउन्डमा गोल गर्दै काडिजको अग्रता दोब्बर बनाए ।

    यसयघि काडिजका साभी सान्चेजले पेनाल्टीको अवसर खेर फालेका थिए । सान्चेजको प्रहारलाई सेल्टा भिगोका गोलरक्षक माटियस डिटुरोले फर्काए । सोही रिवाउन्ड बलमा अलफोन्सो स्पिनोले सोझै गोल गरेका थिए ।

    दोस्रो हाफको सुरुवातमै तीन खेलाडी परिवर्तन गरेको सेल्टा भिगोले उत्कृष्ट प्रदर्शन गरेको थियो । ६४औं मिनेटमा सान्ति मिनाले गोलगर्दै घरेलु टोलीलाई खेलमा फर्काउने प्रयास गरे । इन्जरी समयमा सेल्टाका इगो आसपासले पोस्ट नजिक पाएको अवसर गुमाएका थिए ।

    ७८ प्रतिशत बल पोसेसनका राखेको सेल्भा भिगो अन्ततः हार खेप्न बाध्य बन्यो । यता २२ प्रतिशत बल पोसेसनका राखेको काडिज दोस्रो हाफमा जम्न सकेन । खेलमा सेल्टा भिगोले १४ वटा पोस्ट प्रहार गर्दा काडिजले सातवटा पोस्ट प्रहार गरेको थियो । काडिजका एन्थोनी (चोको) लोजानो ‘म्यान अफ दी म्याच’ भए ।

    लिगमा पहिलो जितसँगै काडिज ११औं स्थानमा उक्लिएको छ । काडिजले पाँच खेलबाट पाँच नै अंक बनाएको छ । यसअघि काडिजले दुई खेलमा बराबरी र दुई खेलमा हार खेपेको थियो । चौथो हार खेपेको सेल्टा भिगो एक अंक सहित १८औं स्थानमा छ । शीर्षस्थानमा रहेको रियल म्याड्रिडको चार खेलबाट १० अंक पुगेको छ । दोस्रो र तेस्रो स्थानमा रहेको भ्यालेन्सिया र एट्लेटिको म्याड्रिडको पनि १० अंक छ ।

    ला लिगा अन्तर्गत शनिबार साँझ गेटाफे र रायो भालेकानो तथा एट्लेटिको म्याड्रिड र एथलेटिक बिल्बाओबीच प्रतिस्पर्धा हुनेछ । शनिबार रानि नै इल्चे र लिभान्ते तथा ओसासुना र डिर्भोटिभो अलाभेस भिड्नेछन् ।

    विश्वकै चर्चित लिग मध्येको एक स्पेनिस ला लिगा फुटबल पहिलो पटक नेपालमा डिशहोम एक्सन स्पोर्ट्स एचडी टेलिभिजन मार्फत प्रतक्ष हेर्न पाइने ब्यवस्था छ । त्यसका लागि डिशहोमको ग्राहक भने बन्नु पर्ने हुन्छ ।

    ला लिगाको नेपालका लागि पे टिभी तथा डिजिटलको विशेष प्रसारणको अधिकार डिशहोमले प्राप्त गरेको हो । हाल डिशहोममा खेल च्यानलको रुपमा एक्सन स्पोर्टस एचडी १ र एक्सन स्पोर्टस एचडी २ प्रसारण भइरहेकोमा ला लिगाका खेलहरु एक्सन स्पोर्टस एचडी २ मा प्रशारण भईरहेको छ ।

    त्यसका लागि ग्राहकले ला लिगा सिजनका लागि थप २ हजार रुपैयाँ तिर्नु पर्ने छ ।  हाल डिशहोमको ग्राहकलाई उपलब्ध रहेको ला लिगाको सिजन टिकट सिम टिभी, प्रभु टिभी र डिश होमको ओटीटी (डिशहोम गो) मार्फत उपलब्ध छ ।

    यो पनि पढ्नुहोस

    images
    images

    सम्बन्धित समाचार

    images
    images
    images

    ताजा अपडेट

    images
    images
    images
    images
    images

    धेरै पढिएको

    images