काठमाडौँ / नेपाली बजारमा शुक्रबार सुनको भाउ प्रतितोला २०० रुपैयाँले बढेको छ भने चाँदीको भाउ स्थिर भएको छ । नेपाल सुनचाँदी व्यवसायी महासंघका अनुसार बिहीबार प्रतितोला ९० हजार ४०० रुपैयाँमा कारोबार भएको छापावाल सुन ९० हजार ६०० रुपैयाँ पुगेको हो ।
सोही परिमाणको तेजावी सुन बिहीबार तोलामा ८९ हजार ९५० रुपैयाँमा कारोबार भएकोमा आज ९० हजार १५० रुपैयाँ पुगेको छ ।
यता चाँदीको भाउ स्थिर रहेको महासंघले जनाएको छ । शुक्रबार चाँदी प्रतितोला एक हजार ११७० रुपैयाँमा नै कारोबार हुनेछ ।
