काठमाडौँ / इम्प्रेसन्स इन्टरटेनमेन्टले गायक शिव परियारको ‘पिउन सुरु गरेपछि’गीतको म्युजिक भिडियो सार्वजनिक गरेको छ ।
‘पिउँदिन भन्दा भन्दै पिलायो साथीले’को सफलतापछि गायक परियारको गायनमा पिउने र पिलाउने श्रृङ्खलाको फेरी अर्को गित सार्वजनिक गरेको हो ।
डेलिस ओपेरा बालुवाटारमा एक कार्यक्रमकाबीच काठमाडौँको प्रहरी प्रमुख अशोक सिंहको उपस्थितिमा उक्त गीतको म्युजिक भिडियो मिडिया हबको च्यानल मार्फत रिलिज भएको छ ।
आफ्नो व्यस्तताकाबीच उपस्थित भएका काठमाडौँ प्रहरी प्रमुख सिंहले कार्यक्रममा सहभागी भएकोमा खुसी व्यक्त गर्दै गायक शिव परियार, निर्माता राजु ढुंगेल लगायत सम्पूर्ण टिमलाई बधाई तथा शुभकामना ज्ञापन गरेका थिए ।
सो अवसरमा गायक परियारले पनि गीत बनाउदाको रमाइलो पल सम्झिनुका साथै पुष्प खड्कासँग फेरी काम गर्दाको खुसी व्यक्त गरेका थिए ।
कार्यक्रममा शंकर अधिकारी, नायक पुष्प खड्कालगायतले आफ्नो अुनभव साटेका थिए ।
नृत्य निर्देशक कविराज गहतराज र छाँयाकार हरि हुमागाईको संलग्नतामा क्लब प्ल्याटिनममा सो गितको छायाङ्कन सम्पन्न भएको थियो ।
रबिन स्वप्निल गिरीको शब्द तथा दीपकराज विश्वकर्माको संगीत रहेको यस गीतमा नेपाली चलचित्रका लोकप्रिय नायक, पुष्प खड्काका साथमा टिकटक स्टार्स , अन्जली लुइंटेल र आलिया अधिकारी डेब्यु रहेको छ ।
मिडिया हब प्रा। लि। बाट पहिलो म्युजिक भिडियोको रूपमा घटस्थापनाका दिन, रिलिज गरिएको गीतले चाडबाडलाई अझ रोमाञ्चक बनाउने दावी गरिएको छ ।
