काठमाडौं/ सिभिल बैंक लिमिटेडको प्रमुख कार्यकारी अधिकृत (सिइओ) सुनिलकुमार पोखरेलले कार्यभार सम्हालेका छन् ।
सिभिल बैंक लिमिटेडको २०७८ जेठ २७ मा बसेको संचालक समितिको ३४५औं बैठकले प्रमुख कार्यकारी अधिकृतमा सुनिल कुमार पोखरेललाई प्रमुख कार्यकारी अधिकृतमा यहि असार १८ गतेदेखि लागू हुनेगरी नियूक्त गरेको थियो । पोखरेलको कार्यअवधि चार वर्षको लागि हुनेछ ।
विगत दुई वर्षदेखि सिभिल बैंकमा नायव प्रमुख कार्यकारी अधिकृतका रुपमा आवद्ध थिए । आजदेखि उनले बैंकको प्रमुख कार्यकारी अधिकृतको पदभार सम्हालेका हुन् ।
गत वैशाख १८ गते बैंकका तत्कालीन सिइओ गोविन्द गुरुङले राजीनामा दिएपछि हालसम्म बैंक सीइओविहीन थियो ।
यस सिभिल बैंकले चालु आर्थिक वर्षको जेष्ठ मसान्त सम्म रु. ८८.९४ अर्वको निक्षेप र रु. ८३.६० अर्वको कर्जा विस्तार गर्न सफल बैंक हो ।
को हुन् सीईओ पोखरेल ?
मुलुको उत्कृष्ट बैंक सिभिल बैंकमा आज असार १८ गते शुक्रबारदेखि प्रमुख कार्यकारी जिम्मेवारी सम्हालेका सीईओ सुनिल कुमार पोखरेलसँग नेपालका विभिन्न बैंकमा कार्य अनुभव लिईसकेका व्यक्ति हुन् ।
विभिन्न बैंकमा विभिन्न पदिय जिम्मेवारीमा आफ्नो कार्यसम्पादन देखाइसकेका सीईओ पोखरेल नेपालका विभिन्न बैंकहरु (स्ट्याण्डर्ड चाटर्ड नेपाल बैंकमा १६ वर्ष अनुभव लिएका छन् । यस्तै, एन.आइ.सी एशीया बैंकमा साढे ५ वर्ष, नविल बैंकमा १ वर्ष र पछिल्लो २ वर्ष सिभिल बैंकमा बैंकीङ अनुभव संगालिसकेका छन् ।
स्वदेशी तथा विदेशी बैंकमा लामो समय काम गरेका कारण उनलाई धेरैले विदेशी बैंकिङसम्बन्धी राम्रो ज्ञान तथा अनुभव भएको बैंकरका रुपमा चिन्छन् । सीईओ पोखरेलसँग विदेशी बैंकमा तीन वर्ष काम गरेको अनुभव छ ।
उनले नेपाल बाहिर विभिन्न अन्तराष्ट्रिय बैंकहरु (स्ट्याण्डर्ड चाटर्ड बैंक, अफगानिस्तानमा साढे ३ वर्ष, म्यानमारको यूनाईटेड अमारा बैंकमा १ वर्ष र म्यानमारको एजीडी बैंकमा १ वर्ष) मा ६ वर्ष समेत गरीे कुल तीन दशक लामो बैकिंग अनुभव लिएका व्यक्ति हुन् ।
पदभार गर्दै सीईओ सुनिल कुमार पोखरेलले भने,
डिजिटलाईजेसनको माध्यमबाट कर्मचारीहरुको कार्य क्षमतामा अभिवृद्वि गर्दै कागजरहित बैंकको रुपमा अग्रसर हुँदै तथा ग्राहकमैत्री बनाउँदै लग्नेछु ।
विविध नवीन योजनाहरु ल्याउँदै बैंकले व्यवसायको आयतनमा व्यापक वृद्धि गरी शेयर होल्डरलाई उचित प्रतिफल प्रदान गर्ने कुरामा ध्यान पुग्ने छ ।
सिभिल बैंकका अध्यक्ष इच्छा राज तामाङ्ग भन्छन्ः
विगत तीन दशकको देश तथा विदेशमा सँगालेको अनुभवले सिभिल बैंकलाई नयाँ उचाईमा पु¥याउने कुरामा आफू विश्वस्त रहेको छु । बैंकले चालु आ.व.मा व्यवसायिक आकारमा राम्रो प्रगति रहेको तथा आगामी दिनहरुमा समेत निरन्तर प्रगति अगाडि बढ्नेमा विश्वस्त छु ।