काठमाडौँ / सनराइज बैंकले आफ्नो १४औं वार्षिक उत्सवको अवसरमा देशका विभिन्न स्थानमा रक्तदान कार्यक्रम सम्पन्न गरेको छ ।
बैंकले आफ्नो संस्थागत सामाजिक उत्तरदायित्व अन्तर्गत असोज १५ गते सातै प्रदेशमा रक्तदान कार्यक्रम गरेको हो ।
सहयात्रा जीबन सुरक्षाको लागि भन्ने नाराका साथ बैंकले आयोजना गरेको सो कार्यक्रममा २५५ जनाले रक्तदान गरेका छन् । आउँदै गरेको महान चाँड दशैंमा मानिसहरु किनमेल, भ्रमण आदिमा व्यस्त रहने र उक्त समयमा हुन सक्ने रगत अभावलाई परिपूर्ति गर्न यस रक्तदान कार्यक्रमले मद्दत पु-याउने विश्वास रहेको बैंकले जनाएको छ ।
दशैं र बैंकको १४औं वार्षिकउत्सवको अवसरमा सर्वाधिक १०.०७ प्रतिशत ब्याज प्रदान गर्दै आएको यस बैंकले वातावरण, स्वास्थ्य, सरसफाई, आदि क्षेत्रमा यस महिना भर विभिन्न कार्यक्रम गरी सहयोग पु-याउने योजना रहेको जनाएको छ ।