काठमाडौँ / राष्ट्रिय वाणिज्य बैंक लिमिटेडले सर्लाही जिल्लाको बयलवासमा आफ्नो शाखा विस्तार गरेको छ ।
बैंकले प्रदेश नं. २ सर्लाही जिल्लाको ईश्वरपुर नगरपालिका वडा नं. ६ स्थित बयलवासमा शाखा कार्यालय विस्तार गरेको हो ।
बैंकले बुधबार नयाँ शाखा बिस्तार गरेसँगै बैंकको शाखा कार्यालयहरूको संख्या २५५ पुगेको छ । बैंकले सातै प्रदेश, ७७ वटै जिल्लामा २५५ वटा शाखा कार्यालय, २१६ वटा एटिएम र ९८ वटा शाखारहित सेवा केन्द्रहरूबाट बैंकिङ्ग सेवा प्रवाह गरिरहेको छ ।