काठमाडौँ / नेपाल बैंकको अगुवाईमा ४ ओटा बैंक तथा वित्तीय संस्थाले ठूलो खोला जलविद्युत आयोजनामा साढे दुई अर्ब बढी लगानी गर्ने भएका छन् । 

नेपालमा निजीक्षेत्रको लगानीबाट निर्माण कार्य सुरु हुन लागेको २१.३ मेगावाटको ठूलो खोला जलबिद्युत आयोजनाको लागि आवश्यक पर्ने वित्तीय स्रोत जुटेको हो । 

३ अर्ब ६० करोड रुपैयाँ लागत हुने उक्त आयोजनामा नेपाल बैंक लिमिटेडको अगुवाई रहेको छ भने बिभिन्न ४ ओटा बैंक तथा वित्तीय संस्थाहरुको सहभागिता रहनेछ । 

प्रतिष्ठित व्यवसायी, व्यक्तित्वहरू तथा एन. आर. एन. समेतको मूख्य लगानी रहेको संयुक्त उर्जा प्रा.लि.ले विकास गर्न लागेको उक्त जल बिद्युत आयोजना म्याग्दी जिल्लाको रघुगंङ्गा गाउँपालिका स्थित ठूलो खोलामा निर्माण हुनेछ ।

एक समारोहकाबीच नेपाल बैंकसहित ४ ओटै कन्सोर्टियमद्वारा रु. २ अर्ब ५२ करोड भन्दा बढी लगानी गर्ने सम्बन्धि Syndicated Credit Facilities Agreement (SCFA) सम्झौता ऋणीका तर्फबाट संयुक्त उर्जा प्रा.लि.का अध्यक्ष डा. बद्री के.सी. तथा बैंकहरुका तर्फबाट नेपाल बैंक लिमिटेडका नि. नायब प्रमुख कार्यकारी अधिकृत समता पन्तले समारोहका बिच एक आपसमा हस्तान्तरण गरेका थिए । 

उक्त अवसरमा सहभागी सम्पूर्ण र्बैक तथा वित्तीय संस्थाका नायब÷सहायक प्रमुख कार्यकारी अधिकृतहरु तथा अन्य उच्चस्तरीय पदाधिकारीहरु समेतको उपस्थिति थियो ।

उक्त आयोजनामा नेपाल बैंकद्वारा रु. ७५ करोड १२ लाख ५२ हजार, राष्ट्रिय बाणिज्य बैंकद्वारा रु. ६६ करोड, सिद्धार्थ बैंकद्वारा रु. ६४ करोड तथा सनराइज बैंकद्वारा रु. ४७ करोड गरी जम्मा रु. रु. २ अर्ब ५२ करोड १२ लाख ५२ हजारको बित्तिय प्रबन्ध गरिएको हो ।

नेपाल बैंक लिमिटेडका नि. नायब प्रमुख कार्यकारी अधिकृत समता पन्तले नेपाली बैंकहरु त्यसमा पनि सरकारी स्वामित्वको बैंकले आयोजनाको आर्थिक, प्राबिधिक, जोखिम लगायतका बिभिन्न पक्षहरूको समग्र विश्लेषण गरी उचित निष्कर्षमा पुगेको र यस आयोजनामा लगानी गर्ने निर्णय निक्षेपकर्ताको रकमको सहि उपयोग हुने बिचार ब्यक्त गरे । 

उनले यस आयोजनाका प्रबद्र्धकहरु आफैमा प्रतिष्ठित व्यक्तित्व तथा व्यवसायी भएको हुँदा बैंक कर्जाको सही सदुपयोग हुने र यस अघि दरम खोला जलबिद्युत आयोजना विकास गरी निरन्तर रूपमा बिद्युत उत्पादन भइरहेकोे हुँदा उनीहरुको कार्यको जाँच भैसकेको, यो आयोजना पनि तोकिएको समय तथा लागतमा पूर्ण हुने विश्वास प्रकट गरे ।  

सम्झौता कार्यक्रममा डेभलपर संयुक्त उर्जा प्रा.लि.का अध्यक्ष डा. बद्री के.सी.ले यस आयोजनामा नेपाल बैंक लिमिटेड तथा अन्य बैंकहरुले तिब्रताकासाथ गरेको कार्यको सह्राना गर्दै सरकारी बैंकको अग्रसरता र छिटो कार्य भएको अनुभव गर्दा सरकारी बैंकहरुमा ढिलासुस्ती हुन्छ भन्ने धारणा गलत रहेको बिचार ब्यक्त गरे । 

साथै उनले निमार्ण कार्यलाई चुस्त दुरुस्त पारी यस ठूलो खोला जलबिद्युत आयोजनालाई नमुनाको रुपमा समय र कम लागतमा निमार्ण गर्ने प्रतिबद्धता पनि व्यक्त गरे ।