काठमाडौँ / नेकपा प्रचण्ड-नेपाल समूहकी नेतृ रामकुमारी झाँक्रीलाई पक्राउ गरेलगत्तै उक्त घटनाको चर्को विरोध भएको छ ।
उनलाई राष्ट्रपति विद्यादेवी भण्डारीबारे गरेको टिप्पणीको कारण महानगरीय अपराध महाशाखाको टोलीले घरबाटै पक्राउ गरेको हो ।
नेतृ झाक्रीको पक्राउको विरुद्धमा नेपाली काँग्रेसका नेता गगन थापाले राष्ट्रपतिलाई महाराजको संज्ञा दिएका छन् । उनले कर्तव्य निर्वाह गर्न छोडेर असैवधानकि र अलोकतान्त्रिक कार्य गरेको र प्रश्न गर्नेलाई झ्यालखानामा राखेर तर्साउन खोजेको आरोप लगाएका छन् ।
साथै नेता थापाले सत्यको पक्षमा बोल्नेको मुख बन्द हुँदैन भन्दै सरकारलाई झ्यालखानाको संख्या थप्न समेत चुनौति दिएका छन् ।
कर्तव्य निर्वाह गर्न छोडेर, असंवैधानिक र अलोकतान्त्रिक कार्य गर्ने अनि त्यसमा प्रश्न गर्नेलाई झ्यालखानामा राखेर तर्साउन खोज्ने ? उहिले महाराजा अहिले राष्ट्रपति !
सरकार झ्यालखानाको संख्या थप,किनकि सत्य को पक्षमा बोल्ने मुख तिमिले देखाएको त्रासले बन्द हुँदैन।
— Gagan Thapa (@thapagk) February 11, 2021
नेकपा ओली समूहसम्बद्ध अखिल नेपाल महिला संघले नेतृ झाक्रीलाई कारवाही गर्न प्रधानमन्त्री केपी शर्मा ओली र राष्ट्रपति भण्डारीलाई ज्ञापनपत्र समेत बुझाएका थिए ।