काठमाडौँ / सुनको भाउमा आज शुक्रबार पनि बृद्धि भएको छ । नेपाल सुनचाँदी व्यवसायी महासंघका अनुसार हिजो बिहीबार प्रतितोला ९६ हजार २०० रुपैयाँ रहेको सुनको भाउ आज ९७ हजार २०० रुपैयाँ कायम भएको छ । एकैदिनमा सुनको भाउ प्रतितोला एक हजार रुपैयाँले बढेको हो ।
सोही परिमाणको तेजावी सुनको भाउ आज प्रतितोला ९६ हजार ७०० रुपैयाँ रहेको छ ।
यता, चाँदीको भाउ समेत एक हजार २१० रुपैयाँ रहेको चाँदीलाई आज एक हजार २५५ रुपैयाँ रहेको महासंघले जनाएको छ ।
चाँदीको भाउ आज प्रतितोला ४५ रुपैयाँले बढेको हो ।