काठमाडौँ / पछिल्लो २४ घण्टामा देशभर २८० जनामा कोरोना संक्रमण पुष्टि भएको छ । ९ हजार १६८ पीसीआर परीक्षण गर्दा २५५ मा र ३ हजार ६ जनाको एन्टिजेन परीक्षण गर्दा २५ जनामा संक्रमाण पुष्टि भएको स्वास्थ्य तथा जनसंख्या मन्त्रालयले जानकारी दिए ।
त्यस्तै मन्त्रालयको अनुसार ३६६ जना कोरोनामुक्त भएका छन् भने मृत्यु हुनेको संख्या २ रहेको छ ।
हाल सम्म नेपालमा कोभिड संक्रमणका कारण मृत्यु हुनेको संख्या ११ हजार ५४७ पुगेको छ भने सक्रिय संक्रमितको संख्या ६ हजार २३९ पुगेको स्वास्थ्य तथा जनसंख्या मन्त्रालयले जनाएको छ ।
२४ घण्टाको पीसीआर परीक्षणको संक्रमणदर २.८ प्रतिशत रहेको मन्त्रालयले जानकारी दिएको छ । अहिलेसम्मको कुल परीक्षणको संक्रमणदर भने १७.६ प्रतिशत रहेको बताए ।
