काठमाडौँ / धितोपत्र बजारमा शेयर कारोबार मापक नेप्से परिसूचक आज पनि बृद्धि भएको छ । नेपाल स्टक एक्सचेञ्जका अनुसार यो दिन नेप्से परिसूचक २२.१४ अङ्कले बढेर २ हजार ७ सय ६०.२१ मा पुगेको हो ।

ठूला कम्पनीको कारोबार मापन गर्ने सेन्सेटिभ परिसूचक ३.६१ अङ्कले उकालो लागेर ४९०.७२ मा पुगेको छ । कारोबार भएका कुल १३ उपसमूहमध्ये पाँच उपसमूहको शेयर मूल्यमा गिरावट आउँदा आठ उपसमूहको शेयर मूल्य भने उकालो लागेको छ ।

यो दिन विकास बैंक, हाइड्रोपावर, निर्जीबन, वित्त र होटल तथा पर्यटन समूहको परिसूचक घटेको छ भने लगानीकर्ताको ध्यान लघुवित्तले खिचेको छ । 

लघुवित्त समूहको परिसूचक सर्वाधिक बढी ३.२० प्रतिशतले बढ्दा लगानी, निर्जीबन र बैंकिङ उपसमूहको परिसूचक १ प्रतिशतभन्दा बढीले बृद्धि भएको छ ।

कुल २ करोड ४५ लाख ५७ हजार १५३ कित्ता शेयर ११ अर्ब ३१ करोड ५२ लाख सात हजार एक सय २७ मा कारोबार भएको छ । 

यसैगरी, सपोर्ट माइक्रोफाइनान्स, सामुदायिक लघुवित्त, गुराँस लघुवित्त, मानुषी लघुवित्त, सिर्जनशील लघुवित्तको शेयर मूल्यमा १० प्रतिशतले वृद्धि भई सकारात्मक सर्किट लागेको छ । 

यस्तै, इस्टर्न पावर १०, समृद्धि फाइनान्स ९.७१, सानिमा जिआइसी इन्सुरेन्स ४.१३, दिव्यश्वरी हाइड्रोपावर ३.९९ र सिनर्जी पावर डेभलपमेन्टका लगानीकर्ताले ३.५० प्रतिशतले गुमाएका छन् ।

सेयर कारोबार रकममा आज सबैभन्दा बढी हिस्सा साहस उर्जाको ३८ करोड १७ लाख रुपैयाँ बराबर रहेको छ र त्यसपछि हिमालयन रिइस्योरेन्सको २६ करोड १५ लाख रुपैयाँ छ । हाइड्रो इलेक्ट्रिसिटी इन्भेस्टमेन्ट एण्ड डेभलपमेन्ट कम्पनीको