काठमाडौँ / कालीमाटी फलफूल तथा तरकारी बजार विकास समितिले आज आइतबारको मूल्यसूची प्रकाशित गरेको छ । जसअनुसार आज केही तरकारीको भाउ घटेको छ भने केहीको बढेको छ । आज ठुलो गोलेभेडा (भारतीय)को भाउ बढेर प्रतिकेजी ५५ रुपैयाँ, रातो आलु ३४ रुपैयाँ, स्थानीय काउली र ज्यापु काउली २७ रुपैयाँ ६७ पैसा, तने बोडी ९५ रुपैयाँ, तितो करेला ३७ रुपैयाँ ६७ पैसा र तने बोडी ९५ रुपैयाँ पुगेको छ ।

यसैगरी, रायोको सागको औसत मूल्य प्रतिकेजी ६० रुपैयाँ, डल्ले च्याउ २७६ रुपैयाँ ६७ पैसा, पुदीना ३१० रपैयाँ, हाइब्रीड काक्रो ३५ रुपैयाँ पुगेको छ भने भारतीय रातो आलुको भाउ घटेर ३४ रुपैयाँमा झरेको छ ।

त्यस्तै, सेतो लोकल मूला १७ रुपैयाँ ३३ पैसा, डल्लो भन्टा ३० रुपैयाँ, घिउ सिमी ७५ रुपैयाँ, घिरौला ४५ रुपैयाँ, भिण्डी ७५ रुपैयाँ, चमसूरको साग, लोकल काक्रो, भेडे खुर्सानी प्रतिकेजी ८५ रुपैयाँ र उखु प्रतिवटा ८५ रुपैयाँ तोकिएको छ । त्यस्तै, पालूङ्गो सागको औसत मूल्य प्रतिकेजी ७० रुपैयाँ, तोरीको साग २६ रुपैयाँ ६७ पैसा, कन्य च्याउ १४६ रुपैयाँ ६७ पैसा, गान्टे मूला ४८ रुपैयाँ ३३ पैसा र सिताके च्याउ ७४३ रुपैयाँ ३३ पैसा कायम गरिएको छ । 

विस्तृत तालिकामा हेर्नुस्