काठमाडौँ / कालीमाटी फलफूल तथा तरकारी बजार विकास समितिले आज बुधबारको मूल्यसूची प्रकाशित गरेको छ । जसअनुसार आज केही तरकारी र फलफूलको भाउ बढेको छ भने केहीको घटेको छ । आज कुरीलोको भाउ प्रतिकेजी १०० रुपैयाँले बढेर औसत मूल्य ५५० रुपैयाँ कायम भएको छ । 

त्यस्तै, मेथीको साग प्रतिकेजी २० रुपैयाँले बढेर ९५ रुपैयाँ, सौफको साग ९० रुपैयाँ, पिंडालू ११० रुपैयाँ, लोकल गोलभेडा ४५ रुपैयाँ र टनेल गोलभेडा ५५ रुपैयाँ निर्धारण गरिएको छ । 

यसैगरी, रातो आलुको भाउ बढेर औसत मूल्य प्रतिकेजी ३७ रुपैयाँ ६७ पैसा कायम भएको छ भने घिउ सिमी ३५ रुपैयाँ, लौका १७ रुपैयाँ ६७ पैसा, घिरौला ३५ रुपैयाँ, कन्य च्याउ १५० रुपैयाँ, डल्ले च्याउ २७६ रुपैयाँ ६७ पैसा, सिताके च्याउ ७५६ रुपैयाँ, जिरीको साग ८५ रुपैयाँ, आभोकाडो ६०३ रुपैयाँ ३३ पैसा र सुकेको खुर्सानी ३६७ रुपैयाँ ५० पैसा कायम भएको छ । 

यता, ठूलो नेपाली गोलभेडाको भाउ घटेर ३७ रुपैयाँ ६७ पैसा, भारतीय, गोलभेडा ५५ रुपैयाँ, स्थानीय काउली २५ रुपैयाँ, सेतो लोकल मूला १२ रुपैयाँ ३३ पैसा, डल्लो भन्टा २२ रुपैयाँ ३३ पैसा, मकै बोडी, लाम्चो फर्सी, हरियो प्याज र रातो बन्दा प्रतिकेजी ४५ रुपैयाँ, तितो करेला २२ रुपैयाँ ३३ पैसा, डल्लो फर्सी १५ रुपैयाँ, भिण्डी २२ रुपैयाँ ३३ पैसा, पालूगो साग ५५ रुपैयाँ, न्यूरो २० रुपैयाँ, ब्रोकाउली ६५ रुपैयाँ, सेलरी १६५ रुपैयाँ, पार्सले ३५० रुपैयाँ, पुदीना १४६ रुपैयाँ ६७ पैसा, फूजी स्याउ २७३ रुपैयाँ ३३ पैसा, कागती २३८ रुपैयाँ ३३ पैसा, हरियो तरबुजा ३७ रुपैयाँ ६७ पैसा, रुख कटहर ६५ रुपैयाँ र भारतीय मेवा ९५ रुपैयाँ पर्नेछ । 

विस्तृत तालिकामा हेर्नुस्