काठमाडौँ / कालीमाटी फलफूल तथा तरकारी बजार विकास समितिले आज आइतबारको मूल्यसूची प्रकाशित गरेको छ । जसअनुसार आज सजिवन प्रतिकेजी ७५ रुपैयाँले बढेको छ भने अन्य तरकारी र फलफूलको भाउ पनि बढेको छ ।

यसअघि प्रतिकेजी १४० रुपैयाँ रहेको सजिवनको भाउ बढेर आज २२५ रुपैयाँ पुगेको छ भने लोकल सानो गोलभेँडा २८ रुपैयाँ २० पैसा, टनेल गोलभेँडा ५३ रुपैयाँ, सेतो आलु ३९ रुपैयाँ ४० पैसा, सुकेको प्याज ४५ रुपैयाँ ६० पैसा, लोकल गाजर ९४ रुपैयाँ, तराई गाजर ७३ रुपैयाँ, हाइब्रीड सेतो मूला २६ रुपैयाँ, लाम्चो भन्टा ३४ रुपैयाँ र डल्लो भन्टा ४७ रुपैयाँ तोकिएको छ । 

त्यस्तै, तने बोडीको भाउ प्रतिकेजी २५ रुपैयाँ, मकै बोडी ४५ रपैयाँ, मटरकोशा १९० रुपैयाँ, घिउ सिमी ५३ रुपैयाँ, राजमा घिउ सिमी ९२ रुपैयाँ, टाटे सिमी ८६ रुपैयाँ, भटमासकोशा १३५ रुपैयाँ, चिचिण्डो २६ रुपैयाँ, घिरौला ४१ रुपैयाँ, डल्लो फर्सी ३५ रुपैयाँ, हरियो प्याज २०८ रुपैयाँ, कन्य च्याउ १४० रुपैयाँ, डल्ले च्याउ ३२५ रुपैयाँ, कुरीलो २७५ रुपैयाँ, जिरीको साग ९२ रुपैयाँ ५० पैसा, तामा ११० रुपैयाँ ५० पैसा, फूजी स्याउ ३१४ रुपैयाँ, दसहरी आँप १०५ रुपैयाँ, हरियो तरबुजा १०५ रुपैयाँ, लोकल नासपाती ७६ रुपैयाँ, अदुवा ९२ रुपैयाँ ५० पैसा निर्धारण गरिएको छ । 

यसैगरी, हरियो बुलेट खुर्सानीको भाउ प्रतिकेजी ४५ रुपैयाँ, माछे हरियो खुर्सानी ८० रुपैयाँ, भेडे खुर्सानी ९४ रुपैयाँ, हरियो लसुन ११० रुपैयाँ, हरियो छ्यापी १२४ रुपैयाँ र छडी माछा ३२५ रुपैयाँ कायम गरिएको छ । 

विस्तृत तालिकामा हेर्नुस्