काठमाडौँ / कालीमाटी फलफूल तथा तरकारी बजार विकास समितिले आज मङ्गलबारको मूल्यसूची प्रकाशित गरेको छ । जसअनुसार आज केही तरकारी र फलफूलको भाउ बढेको छ । आज ठुलो नेपाली गोलभेँडाको भाउ बढेर प्रतिकेजी ६५ रुपैयाँ पुगेको छ भने भारतीय ठुलो गोलभेँडा ७५ रुपैयाँ, भारतीय रातो आलु २९ रुपैयाँ, मुडेको रातो आलु ४३ रुपैयाँ ५० पैसा, तराई गाजर ९५ रुपैयाँ, रातो मूला ५० रुपैयाँ, तने बोडी ८५ रुपैयाँ, भटमासकोशा ९१ रुपैयाँ ६७ पैसा, चिचिण्डो २५ रुपैया, पाकेको फर्सी ५० रुपैयाँ, तोरीको साग ११२ रुपैयाँ ५० पैसा र डल्ले च्याउको भाउ २७० रुपैयाँ पुगेको छ । 

यसैगरी, सजिवनको भाउ प्रतिकेजी २२० रुपैयाँ पुगेको छ भने फुजी स्याउ २७८ रुपैयाँ, अनार २२५ रुपैयाँ, अम्बा १३५ रुपैयाँ, अमला ११८ रुपैयाँ, हरियो खुर्सानी ५५ रुपैयाँ, सुकेको माछा ९०० रुपैयाँ, रुख टमाटर २१२ रुपैयाँ ५० पैसा र राजा च्याउ २९० रुपैयाँ पर्ने मूल्यसूचीमा उल्लेख छ । 

विस्तृत तालिकामा हेर्नुस्