काठमाडौँ / नेपालमा कोरोना भाइरसको संक्रमित २४ घण्टाको अवधिमा हालसम्मकै सबैभन्दा धेरै थपिएका छन् । स्वास्थ्य तथा जनसंख्या मन्त्रालयका अनुसार यस अवधिमा ९ हजार ७० जनामा संक्रमण पुष्टी भएको हो । यससँगै संक्रमितको कूल संख्या ३ लाख ६८ हजार ५८० पुगेको छ ।
त्यस्तै, २४ घण्टामा ५४ जना संक्रमितको मृत्यु भएको मन्त्रालयले जनाएको छ । योसँगै मृत्यु हुनेको कूल संख्या ३ हजार ५२९ पुगेको छ भने २ लाख ९२ हजार ४९० जना संक्रमित निको भएका छन् ।
बितेको २४ घण्टामा २ हजार ७०७ जना संक्रमित निको भएको मन्त्रालयले जनाएको छ । हाल ७२ हजार ५६१ जना संक्रमित आइसोलेसनमा रहेका छन् भने ३१४ जना क्वारेन्टाइनमा रहेका छन् ।
