काठमाडौं / नेपाल कम्युनिष्ट पार्टी (नेकपा) एमाले नेतृ रामकुमारी झाँक्रीले राजनीति व्यक्तिगत लेनदेनको मामिला नभएको बताएकी छन् ।
उनले सामाजिक सञ्जाल ट्वीटमार्फत यस्तो अभिव्यक्ति दिएकी हुन् । नेकपा एमालेमा पछिल्लो समय तिव्र विवाद आइरहदा माधव नेपाल पक्ष नेतृ झाँक्रीले आफ्नो अभिव्यक्ति दिएकी हुन् । यहि बैशाख २७ गते प्रधानमन्त्री केपी ओलीले आफ्नो विस्वासको मत लिने तयारी गर्दै गर्दा एमालेभित्र लगायत मुलुकको राजनीतिक गर्मी बढेको छ ।
मुलुक कोरोना माहामारीले ग्रस्त भइरहेको बेला राजनीतिक नेतृत्व भने सत्ता हत्याउने ध्याउन्नमै दौडधुपमा छन् । त्यसको तरंग प्रदेश सरकारदेखि केन्द्रीय सरकारसम्म देखिएको छ ।
प्रधानमन्त्री ओलीले चालेको पुस ५ को प्रतिगमन कदमका कारण राजनीतिक तरलता बढेको हो । नेतृ झाँक्रीले राजनीतिक विषयमा उधारो सम्झौता नहुने बताएकी छन् ।
उनले युद्धमा होमिएका क्रान्तिकारीहरूका निम्ति विजय र मृत्यूको बराबर सम्भावना भएको बताएकी छन् । जनता, राष्ट्र, संविधान र व्यवस्थाको रक्षाका लागि जुनसुकै जोखिम उठाउन तयार हुनुपर्ने तर्क झाँक्रीको छ ।
