काठमाडौँ / राधी विद्युत कम्पनी लिमिटेडले बोनश शेयर घोषणा गरेको छ । कम्पनीको यही जेठ २ गते बसेको बैठकले आ.व. २०७६/७७ सम्मको सञ्चित मुनाफाबाट हाल कायम चुक्ता पूँजी ४७ अर्ब ३५ करोड ५६ हजार रुपैयाँको ३६.५० प्रतिशत बोनश शेयर दिने भएको हो ।
कम्पनीले कर बाहेक वितरण गर्ने भनिएको १७ करोड २८ लाख ४८ हजार रुपैयाँ बराबरको बोनश शेयर कम्पनीको आगामी १५ औँ बार्षिक साधारण सभाले स्वीकृत गरेपछि मात्रै वितरण गरिने कम्पनीले जनाएको छ ।
सुनिलस्मृति गाउँपालिकाः गरीब जनतालाई उज्यालो
सुनिलस्मृति गाउँपालिका – ४ ले गरीब जनताका लागि उज्यालो दिएको छ । वडाका २० युनिटभन्दा कम विद्युत् खपत गर्दै आएका ५२७ घरधुरीलाई विद्युत् उपलब्ध गराइएको हो ।
कोरोनाका कारण लामो समयदेखि रोजगारी गुमाएका गरीब तथा विपन्नलाई वडा कार्यालयको निःशुल्क उज्यालो कार्यक्रमले प्रत्यक्ष फाइदा पु¥याएको छ ।
कार्यक्रमअन्तर्गत वडाले विपन्नको विद्युत् महसुल नेपाल विद्युत प्राधिकरणमा भुक्तानी गरेको छ ।
आठ सय २० घरधुरी रहेको वडामा विद्युत्को पहुँच भएका ७५९ घरधुरी छन् । विद्युतको पाहुँचमा रहेकामध्ये २० युनिटभन्दा कम विद्युत् खपत गर्ने घरधुरीका लागि विद्युत महसुल तिरिदिइएको वडाध्यक्ष गञ्ज क्षेत्रीले बताए।
