काठमाडौं/ लोकतन्त्रमा दलका नेता बिच मतभेद तथा विवाद हुनु स्वाभाविक हो । तर, करिब डेढवर्षदेखि नेपाली राजनीतिमा नेकपाको नेताहरुको खिचतानीमा मुलुक अल्झिरहेको छ ।
डा. सूर्यराज आचार्यले आफ्नो सामाजिक सञ्जाल ट्वीटमार्फत कडा टिप्पणी गर्दै लेखेका छन, यी समयहरु बिना एजेण्डा नेकपाका नेताहरुको लडाईमा देश च्यापिएको छ।’
यद्यपि मुलुकको समृद्धिको नारा बढि उछाल्ने नेकपा नै थियो । तत्कालिन चुनावी नारामा नेकपाले नै समृद्धिको नारा घन्काएर बढि मत ल्याउन सकेका थिए । तर, ती नाराहरु योजनाहरु अहिले पार्टीको वा सरकारको नेतृत्व लिनेहरुले नै एउटा कुनामा फ्याँकिदिएका छन् ।
मुलुकको समृद्धिको नारा भुलेर विकासका योजनाहरु छाडेर नेकपा कलह मूलतः कुनै एजेन्डा उपर हैन, सिर्फ व्यक्तिगत रिस– राग, द्वेष र भागबन्डाका लागि भइरहेको टिप्पणीकार आचार्यले बताएका छन् ।
वास्तवमा राजनीति के का लागि ? भन्ने कुराको नयाँ व्याख्या बिना यो गंजागोलको निकास सहज नभएको उनको टिप्पणी गरेका छन् ।
यसै प्रसंगमा आचार्यले अर्को ट्वीटमा मलेशीयाका समृद्धिका सम्बाह डा. महाथिर मोहम्मदको प्रसंग ल्याएका छन् । उनले राजनीतिक अडान र पार्टी नेतृत्व प्रतिको उनको आलोचनाका कारण सन् १९६९ मा उनको पार्टीले उनलाई निष्कासन गरेको थियो।
उनी महाथिर पार्टीबाट बाहिरिएर गतिलो किताब लेखे, उनको सोच झन लोकप्रिय बन्दै गयो ।
माथिरले १९७४ मा मन्त्री बने । त्यस्तै, १९८१ मा प्रधानमन्त्री बनेर मलेसियाको रुपान्तरण नै गरिदिए । अहिले मलेसियाको समृद्ध रुप उनैको विचार चिन्तनले सफल भएको मानिन्छ । डा. आचार्यले यिनै प्रसंगलाई ट्वीट गर्दै नेपालका राजनीतिक पार्टीका कार्यकर्ता तथा नेतृत्वले सिक्नै पर्ने पाठ भएको उल्लेख गरेका छन् ।
