काठमाडौँ / स्थानीय बजारमा आज सोमबार सुनचाँदीको मूल्यमा सामान्य गिरावट आएको छ । नेपाल सुनचाँदी व्यवसायी महासंघका अनुसार आज सुनको भाउ प्रतितोला २०० रुपैयाँ र चाँदी पाँच रुपैयाँले घटेको हो ।
महासंघका अनुसार हिजो आइतबार ९२ हजार ४०० रुपैयाँमा कारोबार भएको छापावाल सुन आज सोमबार ९२ हजार २०० रुपैयाँ र ९१ हजार ९०० रुपैयाँमा कारोबार भएको तेजावी सुन ९१ हजार ७०० रुपैयाँमा कारोबार हुनेछ ।
यता, चाँदीको भाउ पनि घटेर एक हजार ३१० रुपैयाँमा कारोबार हुने महासंघले जनाएको छ । यसअघि चाँदी प्रतितोला एक हजार ३१५ रुपैयाँमा कारोबार भएको थियो ।
