काठमाडौँ / नेकपा माओवादी केन्द्रले नेपाली कांग्रेसका सभापति शेर बहादुर देउवा नेतृत्वको सरकारमा पठाउन दुई मन्त्री टुङ्गो लगाएको छ ।
माओवादी केन्द्रका अध्यक्ष प्रचण्डले कांग्रेस सभापति तथा नवनियुक्त प्रधानमन्त्री देउवासँगको छलफल गरेपछि माओवादी केन्द्रका तर्फबाट दुई मन्त्रीको टुङ्गो लगाएको हो ।
देउवा नेतृत्वको सरकारमा माओवादी केन्द्रका तर्फबाट जनार्दन शर्मा प्रभाकरलाई अर्थ मन्त्रालय र पम्फा भुसाललाई ऊर्जा, सिँचाई तथा जलस्रोत मन्त्रालयको जिम्मेवारी दिइने स्रोतले जनाएको छ ।
