काठमाडौं/ हिमालयन एअरलाईन्स्ले काठमाडौंदेखि दमामसम्मको उडानका लागि उच्च हवाइ भाडा तथा क्वारेन्टिन सेवाशुल्क लिइरहेको विषयप्रति खण्डन गरेको छ । आज एअरलाईन्स्ले एक विज्ञप्ति जारी गर्दै विभिन्न मिडया तथा सामाजि सञ्जालमार्फत आएका विषयहरु भ्रामक भएको बताएको छ ।
नेपाल–चीन संयुक्त उद्यम एअरलाइन्स्, हिमालय एअरलाइन्स्ले हवाइ उडान सुचारु भए पश्चात साउदी अरबको दमाममा दुई साप्ताहिक उडानहरू सञ्चालन गर्दै आइरहेको छ ।
कोरोना भाइरस् संक्रमणको दोस्रो लहर फैलिन थालेपछि गरिएको निषेधाज्ञा अघि यस एअरलाइन्स्ले सेप्टेम्बर ०१, २०१७ सालदेखि दमाममा नियमित १० प्रत्यक्ष उडान सेवा प्रदान गर्दै आइरहेको थियो ।
भर्खरै उडानहरू पुनः सुरु भएपछि, दमाम, साउदी अरब उडान गर्ने यात्रुहरूको बहाव बढेकाले जुलाई ११, २०२१ देखि चार साप्ताहिक उडान सेवा प्रदान गर्दै आइरहेको छ ।
हिमालय एअरलाइन्स्ले अफवाह र आरोपहरूलाई सम्बोधन गर्दै मिडियामा प्रकाशित भएका समाचार तथा रिपोर्टहरू उचित तथ्य र प्रमाणिकरण बिना निराधार भएको स्पष्टिकरण दिएको छ ।
विज्ञप्तिमा भनिएको छ, ‘नेपाल सरकार र साउदी अरब सरकारले अनिवार्य नियामक निर्देशिका प्रकाशित गरेको थियो जसमा अपरिहार्य भाडा अन्तर्गत हवाइ भाडा, प्रवासमा क्वारनटाइन सुविधा र सम्बन्धित कोभिड–१९ स्वास्थ्य सुविधा सहित समावेश गरिएको थियो ।’
सोही निर्देशिकाको पालनामा, हाम्रो एअरलाइन्स्ले यस क्षेत्रमा उडानहरू सञ्चालन गर्न सबै आवश्यक सुविधाहरू सहितको बन्डल भाडा सुरु गरेको जनाएको छ ।
हाम्रो बन्डल भाडामा पर्ने लगायत खर्चहरु यस यस्तो देखाएको छ, एअरलाइन्स् आधार भाडा, सबै नियामक करहरू, होटल यातायात र ७ रात होटेल बसोबास शुल्क, (बिहानको खाजा, खान, डिनर सामेल) र दमााम आइपुग्दा गरिने २ पीसीआर परीक्षण सुविधा ।
साउदी अरब सरकारको निर्देशिका अनुसार, यात्रुहरु स्वयं क्वारेन्टाइनमा बस्ने अनुमति नभएको र त्यहाको सरकारले तोकेको क्वारेन्टिन होटेलमा बस्नु पर्ने नियम अनिवार्य गरिएको छ ।
यसका कारण, नियमित हवाइ बन्डल भाडाको तुलनामा अहिलेको भाडा अलि महँगो भएको जानकारी एअरलाईन्सले दिएको छ ।
साथै, थप स्पष्टीकरणको लागि, दमाामको लागि अतिरिक्त होटल क्वारेन्टिन शुल्कले ६० प्रतिशत ओगट्छ भने हवाइ भाडाले कुल लागतको ४० प्रतिशत मात्र योगदान गर्दछ भन्ने तथ्य कम्पनीले उल्लेख गरेको छ ।
एअरलाइन्स्ले कुनै पनि क्षेत्रका लागि वैध फिर्ती टिकटहरू भएका यात्रुहरूको लागि र निषेधाज्ञाका कारण उडान गर्न असमर्थ भएका यात्रुहरूका लागि टिकटको निःशुल्क पुनः मान्यता सुनिश्चित पनि गर्दै आएका जनाएको छ ।
एअरलाइन्स्ले यस विषयमा सम्बन्धित सरोकारवालाहरुबाट तथ्यको पूर्व प्रमाणीकरण नगरी जनता माझ गलत सूचना प्रकाशित गरेकाले मिडिया एजेन्सीहरू र समाचार पोर्टलको ध्यानाकर्षण गर्न चाहन्छ ।
एअरलाइन्सले मिडिया र समाचार पोर्टलमा गलत समाचार प्रचार प्रसार भइरहेको प्रति आपत्ति प्रकट गर्दै एअरलाइन्स्ले आम जनतालाई अप्रमाणित स्रोतहरुद्वारा प्रकाशित समाचारहरुबाट सावधान हुन आब्हान गरेको छ ।
विज्ञप्तिमा भनिएको छ, ‘हामी संचार, सूचना र प्रसारण उद्योगको समग्र प्रगतिलाई ध्यानमा राख्दै मिडिया उद्योगलाई बढी सतर्क र संवेदनशील भएर मात्रै समाचार प्रकाशित गर्न अनुरोध गर्दछौं, जसले जनता, कम्पनीहरू र सरकारलाई वर्तमान र भविष्यमा टेवा पुगोस ।’
हिमालय एअरलाइन्स्को बारेमा
नेपाल–चीन संयुक्त उद्यमका रुपमा सन् २०१४ अगस्टमा स्थापित हिमालय एअरलाइन्स्, अन्तर्राष्ट्रिय उडान सेवा उपलब्ध गराउँदै आएको निजी वायुसेवा कम्पनी हो । ‘हिमालय’ शब्दले नेपालको पहाडहरुलाई संकेत गर्दछ, जुन देशको नाम उँचो बनाउन प्रतिबद्ध छ, त्यसरी नै हिमालय एअरलाइन्स् उच्च उडान लिएर आफ्नो नामलाई अन्तर्राष्ट्रिय स्तरको बनाउन आकांक्षा राख्दछ । सुरक्षा, भरपर्दाे सेवा र समयमै सेवा उपलब्ध गराउने उद्देश्यका साथ स्थापित यस एअरलाइन्स्ले नेपालमा आफ्नो उच्च पहिचान कायम गरिसकेको छ ।
एउटा विमान र एउटा गन्तव्यबाट संचालन सुरु गरेको एअरलाइन्स्ले छोटो अन्तरालमै आफ्नो स्वामित्वमा चारवटा जहाज कायम गर्न र सातवटा गन्तव्य स्थानमा उडान भर्ने क्षमता विकास गरेको छ । एअरलाइन्स्ले आफ्नो पहिलो उडान मे ३१, २०१६ मा कतारको दोहाको लागि भरेको थियो र तत्पश्चात विभिन्न एशियाली मुलुकहरुमा आफ्नो सञ्जाल विस्तार गरेको छ जस्तैः युएई, मलेशिया, साउदी अरेबिया, बंगलादेश र चीन ।
अहिले हिमालय एअरलाइन्स्ले अबुधाबी, बेइजिङ, छोड्ंछिडं, दमाम, ढाका, दोहा, दुबई, क्वालालम्पुर र रियाधमा उडान सेवा भर्दै आएको छ । साउदी अरेबियाको दमाममा ऐतिहासिक सञ्जाल विस्तार गरेर साउदी अरेबिया र नेपाल जोड्ने हिमालय एअरलाइन्स् एक मात्र एअरलाइन्स् हो र हाल चीनमा उडान भर्ने पनि एक मात्र नेपाली एअरलाइन्स् हो ।
हिमालय एअरलाइन्स्ले अहिले १८० इकोनोमी क्लास सीट भएका तीन एअरबस् ३२०–२१४ सिरिज र ८ बिजनेस क्लास र १२० इकोनोमी क्लास सीट भएको एक एअरबस् ३१९–११५ एअरक्राफ्टले सेवा उपलब्ध गराउँदै आएको छ । निकट भविष्यमा एअरलाइन्स्को ल्हासा लगायत दक्षिण एशियाको अन्य प्रमुख शहरहरूमा सेवा सञ्चालन गर्ने योजना छ ।
व्यावसायिक रुपमा संचालन सुरु गरेको एक बर्षमै हिमालय एअरलाइन्स्ले सन् २०१७ मा दक्षिण एसियाली ट्राभल अवार्ड (साटा)को ‘लिडिङ न्यू इन्टरनेशनल एअरलाइन्स् इन साउथ एशिया’ अन्तर्राष्ट्रिय अवार्ड सम्मान प्राप्त गरेको थियो । भर्खरै अगस्त २०२० मा हिमालय एअरलाइन्स्ले प्रतिष्ठित क्वालिटी म्यानेजमेन्ट सिस्टम (क्युएमएस) सँग सम्बन्धित आईएसओ ९००१–२०१५ हासिल गर्न सफल भएको छ ।
हिमालय एअरलाइन्स् उत्कृष्टता प्राप्त गर्न र उड्डयन क्षेत्रमा उच्च वृद्धि गर्न निरन्तर गुणस्तरीय सेवाको विकास र सञ्जाल विस्तार गर्न अथक प्रयासमा लागि परेको छ । हिमालय एअरलाइन्स्को परिवार बहुसांस्कृतिक र विविध पृष्ठभूमिबाट गठन भएको छ र ‘अतिथि देवो भवः’ ग्राहक नै भगवान भन्ने बर्षौं पुरानो परम्परालाई मनन् गर्दै विशुद्ध नेपाली सत्कारसहित उच्च गुणस्तरीय ग्राहक सेवा उपलब्ध गराउन प्रतिबद्ध छ ।
