४१ दिनको लामो हड्दाल त्याग्दै युनाइटेड अटो वर्कर्स र यसको सबैभन्दा ठूलो रोजगारदाताले १६ हजार ६ सय स्ट्राइकरहरूलाई केही दिनभित्रै काममा फर्काउने भएको छ ।

अमेरिकामा अटोमेकर्सका श्रमिकहरुले विभिन्न माग राखेर ४१ दिनदेखि आन्दोलनरत थिए । जसले अमेरिकी राष्ट्रपति जो बाइडेलको ध्यान खिच्न बाध्य बनाएको थियो भने, विश्व बजारमा राज गरिरहेको फोर्ड कम्पनीलाई निहुराउन बाध्य पारेको छ ।
अमेरिकामा अटोकम्पनीहरु श्रमिकहरुलाई कम ज्यालादर वा तलबमानमा काम लगाइरहेको आन्दोलन अटोमेकर्सहरुको आरोप छ । 

युनाइटेड अटो वर्कर्स युनियन के हो ?

युनाइटेड अटो वर्कर्स, मजदुरहरुको अधिकारका लागि लड्ने अन्तर्राष्ट्रिय युनियन, हो । यहाँ  युनाइटेड अटोमोबाइल, एयरोस्पेस एण्ड एग्रिकल्चरल इम्प्लिमेन्ट वर्कर्स अफ अमेरिका, अमेरिका र दक्षिणी ओन्टारियो, क्यानडाका कामदारहरू लगायत रहेको एउटा ठूलो प्रतिनिधित्व गर्ने अमेरिकी श्रमिक संघ हो। संघको अध्यक्ष शान फाइन रहेका छन् । डेट्रोइटस्थित मिशिगन, संयुक्त राज्यमा यसको स्थापना भएको थियो । र मूख्यालय त्यहिँ छ । 

सदस्यता सन् २०२२ सम्मा करिब ३ लाख ९१,००० सक्रिय सदस्यहरु यसमा आबद्ध छन् । ४१ दिनदेखि आन्दोलन गरिरहेका उक्त संस्थाहरुले अहिले फोर्डसँग एउटा सम्झौतामा पुगेका छन् जसलाई अमेरिकी राष्ट्रपति जो बाइडेलले प्रशंसा पनि गरेको छ ।  

४१ दिनमै हड्ताल समाप्त कसरी भयो ? 

कामदारहरूलाई कम्तिमा २५ प्रतिशत बढी तलब दिन र अहिलेबाट २०२८ बिचमा कम्तीमा पनि २५ प्रतिशत तलब दिने अस्थायी सम्झौतामा पुगेकाले फोर्डमा ४१ दिने हडताल समाप्त भएको एजेन्सीहरुले जनाएको छ । 

तर अमेरिकाका दुई अन्य युनियन अटोमेकरहरू, जनरल मोटर्स, देशको सबैभन्दा ठूलो कार कम्पनी, र स्टेलान्टिस, (जसले उत्तर अमेरिकामा जीप, राम, डज र क्रिसलर नामहरू अन्तर्गत गाडीहरू निर्माण गर्दछ) मा हडताल जारी राखेको छ । त्यहाँका २९,००० युएमडब्लु सदस्यहरू हडतालमा छन् । उनीहरूका कम्पनीहरूले फोर्डसँग भएको समान प्याकेजमा सहमत नभएसम्म हड्ताल जारी राख्ने बताएका छन् । 

यो हप्ताको अहिलेसम्मको हडतालमा यो तेस्रो नाटकीय कदम थियो, एजेन्सीहरुले भनेका छन् । सोमबार, युएडब्लुले स्टेलान्टिसको सबैभन्दा ठूलो र सबैभन्दा लाभदायक कारखाना, मिशिगनको स्टर्लिङ हाइट्स एसेम्बी प्लान्टमा हडताल विस्तार गर्न सफल भयो । 

जहाँ ६ हजार ८ सय सदस्यहरूले १५ हजार पिकअप ट्रक निर्माण गरे, यसको सबैभन्दा धेरै बिक्री हुने गाडी मंगलबार, जिएमले अपेक्षित आम्दानी भन्दा राम्रो रिपोर्ट गरेको केही घण्टा पछि, युनियनले अर्लिङटन, टेक्सासको प्लान्टमा हडताल विस्तार गरेको थियो । 

युनियनका अध्यक्ष यस्तो भन्छन् : 

बुधवार राति सम्झौताको घोषणा गर्दै युएडब्लु अध्यक्ष शान फाइनले भनेका छन्, ती कदमहरूले फोर्डलाई बार्गेनिङ टेबलमा युनियनका मागहरू पूरा गर्न विश्वस्त तुल्याइयो । मंगलबार राती र बुधबारसम्मको एक रातभरको बार्गेनिङले यति सम्म सफल भएको हो । तर, अझै सोच्नुपर्ने समय छ ।

हाम्रो स्ट्यान्ड अप स्ट्राइक डेलिभर भएको छ, फेनले पिएसस मा पोस्ट गरिएको भिडियोमा घोषणा गरेका छन् । 
हामीलाई थाहा थियो कि हामी नजिक हुँदैछौं । हामीले कम्पनीहरूलाई अधिकतम प्रभाव छाड्छौं, फेनले भने । 
फोर्डलाई थाहा थियो कि उनीहरूका लागि बुधबार के आउँदैछ यदि हामीले सम्झौता प्राप्त गरेनौ  त्यो चेकमेट थियो । 

फोर्डले एक विज्ञप्तिमा अस्थायी सम्झौतामा पुग्न पाउँदा खुसी लागेको बताएका छन् । 

फोर्डले अमेरिकामा सबैभन्दा धेरै सवारी साधनहरू भेला गर्न र सबैभन्दा बढी घण्टा अटोवर्कर्सलाई काममा लगाउन पाउँदा गर्व महसुस गर्दछ । हामी केन्टकी ट्रक प्लान्ट, मिशिगन एसेम्बली प्लान्ट र शिकागो एसेम्बली प्लान्टलाई पुनः सुरु गर्नमा केन्द्रित छौं, २० हजार फोर्ड कर्मचारीहरूलाई काममा फिर्ता बोलाउने र हाम्रा ग्राहकहरूलाई हाम्रो पूर्ण लाइनअप फेरि ढुवानी गर्नमा केन्द्रित छौं , कम्पनीले भनेको छ । 

फोर्डका ५७ हजार युएडब्लु रैंक–एन्ड–फाइल सदस्यहरूले सम्झौतालाई अनुमोदन नगरेसम्म सम्झौता लागू नहुने भनेको छ । यो प्रक्रिया एक हप्ता भन्दा बढी लाग्न सक्ने जनाइएको छ ।  तर हड्तालमा रहेका  १६ हजार युएडब्लु सदस्यहरू  उक्त मागहरु अनुमोदन प्रक्रिया पूरा नहुन्जेल काममा नर्फकने, युएडब्लु का उपाध्यक्ष चक ब्राउनिङले भनेका छन् । उनी फोर्डसँग युनियनका प्रमुख वार्ताकार हुन् । 

यो एक रणनीतिक चाल

यो एक रणनीतिक चाल हो ब्राउनिङले फाइनसँग रेकर्ड गरिएको सन्देशमा बताएका छन् । सम्झौता पछि धोका हुन सक्ने भन्दै चनाखो रहनुपर्ने बताएका छन् । 

ब्राउनिंगले कामदारहरू कहिले काममा फर्कने भन्ने विवरण बताएनन् ।  मात्रै यति भने, यो चाँडै हुनेछ । मागहरु अनुमोदन प्रक्रिया पूरा नहुँदै सदस्यहरू काममा फर्कनु युनियनको लागि अमान्य हुने बताए । 

सम्झौताले युएडब्लु सदस्यहरूलाई तत्काल ११ प्रतिशत तलब वृद्धि प्रदान गर्नेछ र अर्को साढेँ चार वर्षमा २५ प्रतिशत बाट सुरु हुने तलब वृद्धि २०२८ को प्रारम्भमा अस्थायी सम्झौता समाप्त नभएसम्म हुने माग छ । जीवनयापनको लागत समायोजनलाई ग्यारेन्टी गरिएको तलब वृद्धिसँग जोडिन्छ, कामदारहरूले सम्झौताको अवधिमा ३० प्रतिशत वा त्योभन्दा बढी तलब वृद्धि देख्ने अपेक्षा राखेको छ । 

बुधवार साँझ, अमेरिकी राष्ट्रपति जो बाइडेनले भने, युनियन र फोर्डलाई कडा लडाई, राम्रो विश्वास वार्ता र आज राती ऐतिहासिक अस्थायी सम्झौतामा एक साथ आउनु प्रशंसाको कुरा हो । 

युनियन सेप्टेम्बर  १५ देखि तीनवटै अटोमेकरहरू विरुद्ध हडतालमा छ, जुन यसको इतिहासमा पहिलो पटक देशका तीन संघीकृत अटोमेकरहरू विरुद्ध एकै पटक हडतालमा उत्रेका हुन् ।  जसले फोर्डका उत्पादनहरुमा ठूलो असर गर्यो । 

त्यहाँ हाल १६ हजार सदस्यहरू तीन फोर्ड एसेम्बली प्लान्टहरूमा हडतालमा छन् । यसको सबैभन्दा ठूलो, लुइसभिलको केन्टकी ट्रक प्लान्ट पनि समावेश छ ।

( सीएनएनको डीजे जुडले तयार पारेको रिपोर्टमा अर्थ डबलीले सम्पादन गरी अनुदित गरेको हो ।