रूसका दिवंगत विपक्षी नेता एलेक्सी नाभाल्नीका निकट सहयोगी लियोनिद भोल्कोभले राष्ट्रपति भ्लादिमिर पुटिनविरुद्धको आफ्नो अभियानबाट ‘कहिल्यै पछि नहट्ने’ बताएका छन् ।
नाभाल्नीको फेब्रुअरीमा आर्कटिक जेलमा मृत्यु भएको थियो । नाभाल्नीको मृत्युका लागि पुटिन जिम्मेवार रहेको वोल्कोभले बताएका छन् ।
लिथुआनियास्थित आफ्नो घरबाहिर मार्चमा भएको आक्रमणपछिको पहिलो टेलिभिजन अन्तर्वार्तामा भोल्कोभले बीबीसीको ‘सन्डे विथ लौरा कुएन्सबर्ग’ मा भने, “पुटिनलाई परास्त गर्न र भविष्यमा सुन्दर रूस निर्माण गर्न नाभाल्नीले हामीलाई कहिल्यै हार नमान्न र आफ्नो काम जारी राख्न आग्रह गर्नुभएको थियो । हाम्रो अभियान सफल नहुँदासम्म आन्दोलन जारी रहने छ ।”
भोल्कोभले शनिबार प्रसारित अन्तर्वार्तामा भने, “नाभाल्नी महान व्यक्ति, प्रेरणादायी व्यक्तित्व, एक सच्चा नायक र महान र धेरै सक्षम राजनीतिक नेता’ हुनुहुन्थ्यो । उहाँको मृत्युले ‘हाम्रो हृदयमा गहिरो चोट’ लागेको छ यसलाई निको पार्न निकै कठिन हुनेछ ।”
तर विपक्षी आन्दोलनको काम अब नाभाल्नीकी पत्नी युलियाले सम्हाल्ने बताइन् ।
भोल्कोभले सन् २०२३ सम्म दिर्वगत विपक्षी नेता नाभाल्नीको पूर्व चिफ अफ स्टाफ थिए भने उनले नाभाल्नीद्वारा स्थापना गरेको भ्रष्टाचारविरोधी सङ्गठन (एन्टी करप्सन फाउन्डेसन)को अध्यक्षको रूपमा काम गरेका थिए।
