कोशीमा फूलहरुसँगै पछिल्लो समय तरकारी फलफूल लगाउने प्रचलन बढ्दै गएको छ । बढ्दो शहरी क्षेत्र तथा जमिनको पँहुच कम भएकाहरुका लागि कौशी खेती भरपर्दो विकल्प बन्दै गएको छ । खाली क्षेत्रको रुपमा खेर जाने कौशीमा फलफूलहरुमा युरेका जातको कागती लगाउन सके वैकल्पिक आम्दानीको श्रोत बन्न सक्छ ।
फलफूल तथा तरकारीको उच्च मूल्यले शहरबासी उपभोक्ताको भान्सामा दैनिक असर परिरहेको छ ।
गाउँमा सस्तोमा पाइने फलफूल र तरकारी बिचौलियको हातमा परेर शहरसम्म आइपुग्दा ४ गुणासम्म महँगिन्छ।
कौशीमा अब तरकारी मात्रै होइन कागती पनि फलाउन सकिन्छ।
तपाईले गमला वा आफैले कुनै ड्रम वा बोरालाई काटी ‘ग्रो ब्याग’ बनाउन सक्नुहुन्छ । विज्ञहरुका अनुसार थोरै जमिन वा गमलाको प्रयोग गरेर खेती गर्न सकिने विभिन्न विधिहरु धेरै छन् ।
सानो क्षेत्रफलमै व्यवसायिक खेती गर्न सकिन्छ ।
कागतीमा युरेका जात नै किन ?
युरेका जातको कागतीलाई बाह्रैमहिना फल दिने अर्थात ४४ महिनामा फल दिन्छ । कागतीका रुपमा चिनिन्छ । यो लाम्चो आकर्षक दाना फल्छ । तर, नेपालीहरु सुन कागती अर्थात गोलो जातकोमा बढि चासो दिन्छन् । यो युरेका जाताको कागतीलाई चस्मे कागती पनि भनिन्छ ।
आकर्षक दाना, पँहेलो गाढा फल र सुगन्धित हुन्छ । यसको बोट र पातको रङ्ग सधैं चम्किलो हरियो हुने गर्छ। कौशी सुन्दर वास्नादार बनाउँछ ।
मध्यम आकारको बोट हुने भएकोले सानो क्षेत्रफलमा सुहाउँदो र आकर्षक देखिन्छ ।
बोटमा काँडा नहुने, त्यति धेरै काँटछाँट गरिरहनु नपर्ने हुँदा सुरक्षित तरिकाले बिरुवाको व्यवस्थापन गर्न सकिन्छ।
युरेका जातको कागतीमा यस्ता छन् विशेषताः
१. युरेका जातको कागती यो वर्षभरि नै फल्छ ।
२. कलमी बिरुवा रोपेकै १ २ बर्षबाट नै फल दिन्छ ।
३. यो जातको फलको साइज मध्यम तर, रस र अमिलोपनाको मात्रा धेरै हुन्छ ।
४. चार महिनाको अन्तरमा फल दिने भएकाले यसलाई चौमासे कागती पनि भनिन्छ ।
५. यसमा लाग्ने फूल सुगन्धित हुनेगर्छ भने फल गाढा पहेँलो रंगको हुने गर्छ । तर यसको बोट र पातको रङ्ग सधैं चम्किलो हरियो हुने गर्छ ।
६. कोशीमा लगाउँदा घरको कौशीलाई नै सुन्दर बगैँचाजस्तै बनाउँछ।
७. युरेका जातको कागतीको बोट मध्यम आकारको हुने भएकाले गमला, ग्रो ब्याग वा कौशीमा लगाउँदा आकर्षक सुहाउँदो देखिन्छ ।
८. फलको बोक्रामा तेलको मात्रा धेरै हुने हुँदा यसलाई यूरोप तथा अमेरिकामा सलादको ड्रेसिङ्ग, लेमोनेड़ र बेकिंग कार्यमा बढी प्रयोग गरिन्छ। हामीले पनि प्रयोगमा ल्याउन सक्छौं ।
९. अकार लाम्चो हुँदा नेपालीहरुले तेती रुचाएको देखिदैन तर, औद्योगिक प्रयोजनको लागि एकदम धेरै माग हुन्छ ।
१०. लेमन जुस, अचार, साबुन सोडा आदि उत्पादन बनाउन बढी प्रयोग गरिन्छ।
