काठमाडौँ / गीतकार निर्मलराज पौडेलको ‘चिरबिर चरी मायालु परी’ नामक गीत सार्वजनिक भएको छ । उक्त गीतमा पौडेलसँगै गायिका अस्मिता अधिकारीले स्वर भरेकी छन् ।
मोहित मुनालको संगीत रहेको उक्त गीतमा दिपिका थापाको नृत्य रहेको छ । वेलकम एभी प्रोडक्सनले तयार पारेको म्यूजिक भिडियोलाई मनिष पौडेलले निर्देशन गरेका हुन् ।
अङ्ग्रेजी नयाँ बर्षको सन्दर्भ पारेर प्रेमील गित तयार पारिएको गीतकार पौडेलले बताए । उनले भने, “नयाँ पुस्ताको रुचि र भावनालाई समेटने प्रयास गरिएको उक्त भिडियो निर्माणमा कुनै पनि संम्झौता गरेका छैनौँ ।”
यसअघि गीतकार तथा गायक पौडेलको ‘छम्म नाचौँ-छप्प नाचौँ’, ‘यसपालिको तीज रमाइलो’ र ‘बडा दशैँ बडा दशैँ, हर्षको आगमन’ गीतहरू पनि सार्वजनिक भएका थिए ।
